قازاقستاندىق تورەشى حالىقارالىق تەننيس فەدەراتسياسىنىڭ ارنايى سىيلىعىنا يە بولدى
قازاقستاندىق تورەشى مەرۋەرت كاۋكەيەۆا حالىقارالىق تەننيس فەدەراتسياسىنان (ITF) ارنايى سىيلىققا يە بولدى، دەپ حابارلايدى Kazinform.
قازاقستان تەننيس فەدەراتسياسىنان ءمالىم ەتكەنىندەي، م. كاۋكەيەۆا يسپانيانىڭ سيەۆيليا قالاسىندا وتكەن بيللي دجين كينگ كۋبوگىنىڭ فينالدىق كەزەڭىندە مىنبەدەگى رەفەري رەتىندە قىزمەت ەتتى.
ۇيىمداستىرۋشىلار قازاقستاندىق قازىعا ارنايى ەسكەرتكىش مەدال تابىس ەتتى.
وسىلايشا، كوماندالىق الەم چەمپيوناتىنا تەك قازاقستاندىق ويىنشىلار عانا قاتىسىپ قويعان جوق. تورەشى دە بولدى.
قازاقستاندا تورەشىلىكتى دامىتۋ باعدارلاماسى ەكى باعىت بويىنشا جۇرگىزىلىپ كەلەدى. ءبىرىنشىسى - جاڭا كادرلاردى تارتۋ جولىمەن ۇلتتىق ساناتتاعى قازىلاردى تاربيەلەۋ، وقىتۋ. ەكىنشىسى - حالىقارالىق دەڭگەيدەگى رەفەريلەردى دايىنداپ شىعارۋ. سوڭعى جىلدارى Silver badge جانە Bronze badge ساناتىنداعى حالىقارالىق تورەشىلەر ساپىندا يۋليا يگناتچەنكو مەن مەرۋەرت كاۋكەيەۆا بەكىدى. 2020-جىلى يۋليا مەن مەرۋەرت WTA- نىڭ ەڭ تالانتتى قازى ايەلدەر كومانداسى قۇرامىنا كىردى.
ەسكە سالا كەتەيىك، بۇدان بۇرىن قازاقستان جاس وسپىرىمدەر قۇراماسىنىڭ الەم چەمپيوناتىندا ۇزدىك وندىققا كىرگەنىن جازعان ەدىك.
