قازاقستاندىق تۋريستەر ازەربايجانعا كوپ باراتىن بولعان

استانا. Kazinform - ورتالىق ازيا ەلدەرىنەن ازەربايجانعا بارعان تۋريستەر ىشىندە قازاقستاندىقتار سانى العاشقى ورىنعا شىققان. بۇل تۋرالى Kazinform-نىڭ مەنشىكتى ءتىلشىسى حابارلايدى.

ازەربايجان تۋريزم مەملەكەتتىك اگەنتتىگىنىڭ مالىمەتىنە قاراعاندا، قازان ايىندا قازاقستاننان ازەربايجانعا بارعان تۋريستەر سانى 8134 ادامدى قۇرادى. بۇل وسى جىلدىڭ باسىنان بەرگى كورسەتكىشتەن %42 جوعارى.

كاۆكاز ەلىنە بارعان ەلدەردىڭ العاشقى ۇشتىگىنە وزبەكستان (3727 ادام) مەن تۇرىكمەنستان (3163 ادام) ەلدەرى كىرگەن.

تەك وتكەن ايدا ازەربايجانعا ورتالىق ازيا ەلدەرىنەن 16,5 مىڭنان اسا تۋريست كەلگەن. سونىمەن قاتار بيىلعى جىلدىڭ 10 ايىندا اتالعان ەلدەن ازەربايجانعا 150 مىڭعا جۋىق ادام بارعان. بۇل وتكەن جىلدىڭ وسى كەزەڭىمەن سالىستىرعاندا %38 جوعارى. جالپى 2017-2023 -جىلدارى ارالىعىندا ازەربايجانعا وا ەلدەرىنەن 545730 ادام تۋريست رەتىندە بارعان.

جالپى مادلىمەت بويىنشا ازەربايجانعا بيىل 2,2 ميلليون شەتەلدىك تۋريست كەلگەن. بۇل 2023 -جىلدىڭ وسى كەزەڭىمەن سالىستىرعاندا %28 (1,72 ميلليون ادامعا) كوپ.

ازەربايجانعا بارعان قازاقستاندىقتار سول ەلدىڭ تۇريستىك مۇمكىندىكتەرىن كەڭىنەن پايدالانۋدا. اسىرەسە قازاقستاندىقتاردى تاۋ حالقىنىڭ مادەنيەتى مەن تاريحى، ءداستۇرلى اسحاناسى كوبىرەك قىزىقتىرعان.