قازاقستاندىق تەننيسشى شانحاي ماستەرس جارىسىنىڭ ەكىنشى اينالىمىنا شىقتى
قازاقستاندىق ميحايل كۋكۋشكين شاڭحاي (قىتاي) ماستەرس تۋرنيرىنىڭ ەكىنشى اينالىمىنا شىقتى، دەپ حابارلايدى قازاقپارات ءتىلشىسى.

جارىستى ىرىكتەۋ سايىستارىنان باستاعان، دۇنيەجۇزىلىك رەيتينگتە 245-ورىندا ميحايل كۋكۋشكين باستاپقى كەزدەسۋىن الەمنىڭ 81-راكەتكاسى، فرانسيالىق الەكساندر ميۋللەرمەن ءساتتى وتكىزدى.
ءبىرىنشى پارتيادا تاي-برەيكتە فرانسيالىق سپورتشى 7:6 (8:6) ەسەبىمەن باسىم ءتۇستى. دەگەنمەن سودان كەيىن م. كۋكۋشكين ويىن تىزگىنىن ءوز قولىنا الا ءبىلدى - 6:3، 6:2.
ەكى ساعات 41 مينۋتقا سوزىلعان تارتىستى باسەكە بارىسىندا قازاقستاندىق تەننيسشى برەيك جاساماعانىمەن، 4 برەيك-پوينتتان شاشاۋ شىعاعان جوق. ا. ميۋللەر 10 ەيس، 1 برەيكپەن (8 برەيك-پوينت) كوزگە ءتۇستى.
ميحايل كۋكۋشكين ەكىنشى اينالىمدا الەمنىڭ 33-راكەتكاسى، ۇلى بريتانيالىق دەنيەل ەۆانسپەن شەبەرلىك بايقاسادى.
جۇلدە قورى 8,8 ميلليون ا ق ش دوللارىنا باعالانعان شاڭحاي دوداسى 15- قازاندا مارەسىنە جەتەدى.
ەسكە سالا كەتەيىك، بۇدان بۇرىن رىباكينانىڭ 16 جاسار رەسەيلىك تەننيسشىنى جەڭىپ، بەيجىڭ تۋرنيرىنىڭ شيرەك فينالىنا شىققانىن جازعان ەدىك.