قازاقستاندىق سپورتشىنىڭ قارسىلاسى جەكپە-جەككە شىعۋدان باس تارتتى
استانا. KAZINFORM - قازاقستاندىق ارالاس جەكپە-جەك شەبەرى اسۋ المابايەۆتىڭ UFC- گى كەلەسى قارسىلاسى بولعان اۋستراليالىق ستيۆ ەرتسەگ جەكپە-جەكتەن باس تارتتى.

وتانداسىمىز ونەر كورسەتەتىن Dar Team كومانداسى جەكپە-جەككە قاتىستى رەسمي مالىمدەمە جاسادى.
اسۋ المابايەۆ جاقىن ارادا ا ق ش- قا ۇرىسقا دايىندالۋ ءۇشىن ۇشاتىنىن رەسمي تۇردە مالىمدەيمىز. بىزگە بەلگىسىز سەبەپتەرمەن ەرتسەگتىڭ ءوزى جەكپە-جەككە شىقپايتىن بولدى. تۋرنيرگە دەيىن ءبىر اي بولعاندىقتان، ءبىزدىڭ كوماندامىزدىڭ جاۋىنگەرى ءۇشىن جاڭا قارسىلاس تاڭدالادى نەمەسە ستيۆ ەسىن جيىپ، جەكپە-جەكتى قابىلدايدى، - دەپ جازدى.
ايتا كەتەيىك، اسۋ المابايەۆ پەن ستيۆ ەرتسەگ اراسىنداعى جەكپە-جەك 1-ناۋرىز كۇنى UFC Vegas 103 تۋرنيرىندە ءوتۋى كەرەك بولعان. وتانداسىمىز جەكپە-جەككە تايلاندتا دايىندالدى. ارى قاراي ا ق ش- تا جالعاستىرۋدى جوسپارلاپ وتىرعان.