قازاقستاندىق ستۋدەنتتەر جازعى مەكتەپ اياسىندا قىتايدا تاجىريبە جيناپ قايتتى
NU- دىڭ بەس ستۋدەنتى شىڭجاڭ قالاسىندا 25-ماۋسىم مەن 4-شىلدە ارالىعىندا وتكەن The 2024 Tsinghua Shenzhen International Graduate School (SIGS) Global Summer School (GSS) جازعى مەكتەبىنە قاتىستى.
بۇل باعدارلاما جىل سايىن الەمنىڭ تۇكپىر- تۇكپىرىنەن كەلگەن تالانتتى ستۋدەنتتەردى اكادەميالىق تۇرعىدان نارلەندىرىپ، مادەني جانە تاجىريبەلىك الماسۋعا مۇمكىندىك بەرەدى.
2000 ۇمىتكەردىڭ اراسىنان تاڭدالىپ الىنعان NU دىڭ بەس ستۋدەنتى الەمنىڭ 34 ەلىندەگى 63 ۋنيۆەرسيتەتتەن كەلگەن 110 قاتىسۋشىنىڭ قاتارىنا قوسىلدى. اتاپ ايتقاندا، جازعى مەكتەپكە NU ينجەنەريا جانە سيفرلىق عىلىمدار مەكتەبىنىڭ ستۋدەنتتەرى - نۇرجاينا دۋبەك، كاميلا بيسەنبايەۆا مەن مادي تۋرگۋنوۆ، سونداي- اق جاراتىلىس تانۋ، الەۋمەتتىك جانە گۋمانيتارلىق عىلىمدار مەكتەبىنىڭ ستۋدەنتتەرى - ەركە ەرجان قىزى مەن گۇلجان نۇرتاي قاتىستى. ولار دەرەكتەر جانە اقپارات ينستيتۋتىنىڭ (iDI)، قورشاعان ورتا جانە ەكولوگيا ينستيتۋتىنىڭ (iEE)، يننوۆاتسيا، ءبىلىم، عىلىم، تەحنولوگيا جانە ونەر اشىق فاكۋلتەتىنىڭ (open FIESTA) باعدارلامالارىنا قاتىستى.
ەركە ەركەجان قىزى جينحۋا SIGS GSS 2024 جازعى مەكەبىندەگى Open FIESTA باعدارلاماسىندا الىنعان تاجىريبە ەلىمىزدە يننوۆاتسيالار مەن شىعارماشىلىقتى ىنتالاندىراتىن قۇرالدارمەن جابدىقتاعانىن ايتتى.
«IEE باعدارلاماسى اياسىندا ءبىز اكادەميالىق جانە تاجىريبەلىك ءبىلىم الدىق، ءتۇرلى ماماندارمەن تانىسىپ، قازاقستاندا كورە بەرمەيتىن ۋربانيزاتسيا مەن تۇراقتى دامۋدى بايلانىستىرۋ تۋراسىندا بىرەگەي تۇسىنىك الدىق. شىڭجاڭنىڭ جوعارى تەحنولوگيالىق اتموسفەراسى، كۋرستاستارمەن جانە جينحۋا SIGS- تىڭ ۇزدىك پروفەسسورلارىمەن بولعان قاناتتاندىراتىن اڭگىمەلەر ەلىمىزدىڭ بولاشاعىنا قانداي ۇلەس قوساتىنىمىزدى ويلاندىردى»، - دەيدى نۇرجاينا دۋبەك.
ون كۇن ىشىندە ستۋدەنتتەر لەكتسيالار، شەبەرلىك ساباقتارى مەن ءتۇرلى مادەني ءىس- شارالارعا قاتىسىپ، ساراپشىلار مەن عالىمداردىڭ جەتەكشىلىگىمەن مىقتى كومپانيالارعا ەكسكۋرسيالار جاسادى.
ايتا كەتۋ كەرەك، قاتىسۋشىلاردىڭ باسىم بولىگى ازيا ەلدەرى ۋنيۆەرسيتەتتەرىنىڭ اليانسىنا كىرەتىن جوعارى وقۋ ورىندارىنان كەلگەن. ولاردىڭ قاتارىنا NU مەن قوسا، National University of Singapore, University of Tokyo جانە United Arab Emirates University سياقتى ءبىلىم وردالارى كىرەدى.
