قازاقستاندىق ەسكەكشىلەر ازيادا التىنىن جەڭىپ الدى

 قازاقستاندىق ەسكەكشىلەر سەرگەي ەمەليانوۆ پەن تيمۋر حايداروۆ قىتايدىڭ حاڭجوۋ قالاسىندا ءوتىپ جاتقان ازيا ويىندارىنىڭ جەڭىمپازى اتاندى، دەپ حابارلايدى قازاقپارات ءتىلشىسى. 

قازاقستاندىق ەسكەكشىلەر كانوەدا 500 مەتر قاشىقتىقتا سىنعا ءتۇسىپ، 1:49.010 كورسەتكىشپەن مارە سىزىعىن ءبىرىنشى بولىپ قيدى.

جاپونيالىق، يراندىق ەسكەكشىلەر ەكىنشى، ءۇشىنشى ورىندا.

وسىلايشا، قازاقستان قورجىنىنا ءتورتىنشى التىن ءتۇستى.

ەسكە سالا كەتەيىك، بۇدان بۇرىن قازاقستان 2023 - جىلعى ازيا ويىندارىندا تاعى ەكى كۇمىس مەدال جەڭىپ العانىن جازعان بولاتىنبىز.