قازاقستاندىق قارجى ۇيىمدارى حالىقارالىق تولەم ستاندارتىنا كوشتى - ۇلتتىق بانك

استانا. KAZINFORM - ۇلتتىق بانك قازاقستاننىڭ تولەم جۇيەلەرى، ەكىنشى دەڭگەيلى بانكتەر مەن تولەم جۇيەسىنىڭ وزگە دە قاتىسۋشىلارى (بانكتەر) تولەم حابارلامالارىنىڭ حالىقارالىق ISO 20022 ستاندارتىنا ءساتتى كوشىرىلگەنىن حابارلادى.

Национальный банк Казахстана Қазақстан Ұлттық банкі
Фото: Адлет Беремкулов/ Kazinform

جاڭا ستاندارتتى ەسكەرە وتىرىپ جاڭعىرتىلعان تولەم جۇيەلەرى مەن بانكتەردىڭ اقپاراتتىق جۇيەلەرى 2025 -جىلعى 13- قاڭتاردان باستاپ جاڭا فورماتتا ىسكە قوسىلدى. بانكتەر كليەنتتەردىڭ تولەم تاپسىرمالارىن اقپاراتتىق جۇيەلەردىڭ جۇمىس كەستەسىنە سايكەس ادەتتەگى رەجيمدە، ەش شەكتەۋسىز جانە كىدىرىسسىز قابىلداپ جاتىر.

- جاڭا ستاندارت تولەمدەردى وڭدەۋ ءىسىن اۆتوماتتاندىرۋعا، سونداي-اق ەسەپ ايىرىسۋداعى جىلدامدىق پەن قاۋىپسىزدىكتى ارتتىرۋعا ىقپال ەتەدى. ISO 20022 ستاندارتىنىڭ ەرەكشەلىگى - تولەم نەمەسە مامىلە تۋرالى قوسىمشا مالىمەتتەردى بەرۋ مۇمكىندىگىندە. بۇل سايكەستەندىرۋ پروتسەسىن جەڭىلدەتىپ، قاتەلىكتەردى ازايتادى جانە كليەنتكە كورسەتىلەتىن قىزمەت ساپاسىن ارتتىرادى، - دەپ جازدى ۇلتتىق بانكتەن.

ISO 20022 ستاندارتى قولدانىلعاندا وسى ادىستەمەنى پايدالاناتىن ءارتۇرلى اقپاراتتىق جانە تولەم جۇيەلەرى اراسىندا جاھاندىق ۇيلەسىمدىلىك قامتاماسىز ەتىلەدى.

قازاقستان ورتالىق ازيا ەلدەرى اراسىندا العاشقىلاردىڭ ءبىرى بولىپ حالىقارالىق ستاندارتتى پايدالاناتىن مەملەكەتتەردىڭ قاتارىنا كىردى. ەندى ەۋروپالىق وداق پەن وڭتۇستىك-شىعىس ازيا ەلدەرىمەن بىرگە ترانسشەكارالىق تولەمدەردى جەڭىلدەتىپ، حالىقارالىق ساۋدا- ساتتىقتىڭ دامۋىنا ىقپال ەتەدى.

ISO 20022 ستاندارتىنىڭ ەنگىزىلۋى قارجى ينستيتۋتتارى مەن كليەنت (تۇتىنۋشى) اراسىنداعى ءوزارا ارەكەتتەسۋدىڭ تيىمدىلىگىن ارتتىرىپ قانا قويماي، قارجى نارىعىنداعى تەحنولوگيالىق وزگەرىستەرگە ءبىرىڭعاي ەرەجەلەر مەن راسىمدەر نەگىزىندە تەز بەيىمدەلۋگە مۇمكىندىك بەرەدى.

بۇعان دەيىن ۇلتتىق بانك ۆاليۋتا ايىرباستاۋدىڭ جاڭا ەرەجەسىن بەكىتەتىنىن جازعانبىز.

سوڭعى جاڭالىقتار