قازاقستاندىق موبيلوگرافتار New York Film Academy-دا وقۋىن باستادى
استانا. KAZINFORM - «Dаra»پرەزيدەنتتىك باستامالار قورى ۇيىمداستىرعان رەسپۋبليكالىق موبيلوگرافيا فەستيۆالىنىڭ 20 فيناليسى ءبىر اپتا لوس-اندجەلەستەگى نيۋ-يورك كينواكادەمياسىنىڭ ءبىلىم اۋديتوريالارىندا وتكىزەدى.
امەريكاندىق كينو ءوندىرىسى مەن 3D انيماتسيانى جان-جاقتى وقىتۋ بويىنشا جەتەكشى ج و و بىرىندە قازاقستاندىقتارعا ءتۇسىرىلىم پروتسەسىنىڭ تەحنولوگيالارى تۋرالى باياندالادى.
سمارتفوننىڭ تەحنيكالىق مۇمكىندىكتەرىنە اۋىسقان كلاسسيكالىق ءتۇسىرىلىم ستاندارتتارى «تىك» اتالاتىن كينودا بىرنەشە جىل بويى قولدانىلىپ كەلەدى.
وقۋ باعدارلاماسى كۇردەلى، وندا قاتارىنان بىرنەشە ءپان وقىتىلادى. جوبانىڭ ەڭ جاس قاتىسۋشىلارىنىڭ ءبىرى مىرزابەك قۋاتباي نەبارى 18 جاستا. ول العاشقى وقۋ كۇنىنەن العان ەموتسياسىمەن ءبولىستى:
«ميلدىك جول شاعىن قادامداردان باستالادى. العاشقى قادامدى دا جاسادىق، مەن تابىسقا جەتەتىنىمە سەنىمدىمىن!»، -دەدى مىرزابەك وقۋدان العان اسەرىمەن بۇگىنگى قىسقا وقيعالار ستاندارتى تالاپ ەتكەندەي قىسقا، استارلى، ءبىراق ەموتسيونالدى تۇردە سۋرەتتەپ بەردى.
قازاقستاندىقتار رەجيسسەر، اكتەر، سەناريشى، پروديۋسەر، وپەراتور، فوتوگراف جانە بەينەويىن ديزاينەرلەرىن دايىندايتىن ا ق ش- تىڭ جەتەكشى ۋنيۆەرسيتەتى New York Film Academy قابىرعاسىندا ۇيالى تەلەفونعا ءتۇسىرۋ مەن مونتاجداۋدىڭ كاسىبي ستاندارتتارىن ۇيرەنەتىن بولادى. ۋنيۆەرسيتەتتىڭ نەگىزىن قالاۋشى - گولليۆۋد پروديۋسەرى دجەرري شەرلوك. ونىڭ نەگىزگى قاعيداسى بىلاي تۇجىرىمدالعان: كينو ونەرىنە تاجىريبە ارقىلى ۇيرەتۋ.
ساپاربەك جاقسىلىقتىڭ ايتۋىنشا، كۋرس رەجيسسۋرانىڭ قىر-سىرىن، قول كامەرالارىنىڭ تەحنيكالىق سيپاتتامالارىن، ءتۇسىرۋ، مونتاجداۋ كەزەڭدەرىن ۇيرەنۋدەن باستالدى.
«NYFA - مەن ءبىلىم الىپ جۇرگەن ءتورتىنشى رەسمي ۋنيۆەرسيتەت. مۇنداعى ءبىلىم ساپاسى مەن ۇستازداردىڭ ساباقتى شابىتتانىپ وقىتۋعا دەگەن ۇمتىلىسى قۋانتادى. جوعارى دەڭگەيدەگى كينوتەحنولوگيالارمەن تانىسۋ جانە ولارمەن جۇمىس ىستەۋ ماماندىققا دەگەن قىزىعۋشىلىقتى ارتتىرادى. وسى مۇمكىندىك ءۇشىن «Dara» قورىنا العىس ايتامىن، ويتكەنى NYFA- دا ءبىلىم الۋ ماعان قول جەتكىزۋ قيىن ارمان سياقتى كورىندى»، - دەپ ءبولىستى ساپاربەك جاقسىلىق.
جوبانىڭ امباسسادورى اسحات شىناليەۆ فەستيۆالدىڭ باستالۋى، وعان ءوتىنىم قابىلداۋ جانە باقىتتى «جيىرمالىقتىڭ» تاڭدالۋى تۋرالى ەسكە العاندا قاتىسۋشىلار تاراپىنان مۇنداي قىزىعۋشىلىقتىڭ ارتاتىنىن جانە جەڭىمپاز جۇمىستارىنىڭ وسىنشاما جوعارى دەڭگەيدە بولاتىنىن كۇتپەگەنىن ايتتى.
بەينەوتىنىمدى 16 مەن 40 جاس ارالىعىنداعى 7 مىڭنان استام موبيلوگراف جىبەرگەن. گەوگرافيا - بۇكىل قازاقستانعا دەرلىك. 100 جۇمىس جوبانىڭ سوڭعى كەزەڭىنە ءوتتى. 40 فيناليست اقشالاي سىيلىققا يە بولدى، 40 قاتىسۋشى موبيلوگرافيانىڭ ونلاين كۋرسىن اياقتادى، ال ۇزدىك جۇمىستاردىڭ 20 اۆتورى نيۋ-يورك كينواكادەمياسىندا وقۋعا مۇمكىندىك الدى. بۇل جوبانىڭ سوڭعى كەزەڭى.
«بۇگىن وقىپ جۇرگەنىمىزگە ەكىنشى كۇن. Editing day - مونتاجداۋ ساباعى. ساباق بارىسىندا ءبىز كوپ اقپارات الامىز، كوپ نارسەنى قاتە تۇسىرەتىنىمىز بەلگىلى بولدى جانە بۇل جەردە فيلمدى ناقتى قالاي ءتۇسىرۋ كەرەك، ونى قالاي وڭدەۋ كەرەكتىگى تولىق كورسەتىلگەن. ەشبىر ەلدە بولماعان جوباعا قاتىسۋعا مۇمكىندىك بەرگەن «Dara» قورىنا العىس ايتامىن، وسىنداي جوبالار كوپ بولعانىن قالايمىن. ال فيناليستەرىمىز جوبانى اياقتاعاننان كەيىن قازاقستانداعى كرەاتيۆتى يندۋستريانىڭ دامۋىنا اسەر ەتىپ، بىلىمدەرىمەن ءبولىسىپ، موبيلوگرافيانى جەكە سالاعا اينالدىرىپ، باسقالارعا اسەر ەتەدى دەپ تىلەيمىن»، - دەدى اسحات شىناليەۆ.
«Dara» پرەزيدەنتتىك باستامالار قورىنىڭ جەتەكشىسى اسەل شىلدەبايەۆانىڭ پىكىرىنشە، جوبا ءوز ميسسياسىن ورىندادى. رەسپۋبليكالىق موبيلوگرافتار بايقاۋى ءۇش ماسەلەنى شەشتى: شىعارماشىلىق ماماندىقتاردى تانىمال ەتۋ، تالانتتاردى قولداۋ جانە جەكە قابىلەتىن ىسكە اسىرۋعا مۇمكىندىك بەرۋ.
