قازاقستاندىق مانەرلەپ سىرعاناۋشى قىتايدا ەكىنشى ورىن الدى

استانا. KAZINFORM - مانەرلەپ سىرعاناۋدان قازاقستان قۇراماسىنىڭ كوشباسشىسى ميحايل شايدوروۆ قىتايدىڭ چۋنتسين قالاسىندا ءوتىپ جاتقان گران-پري كەزەڭىندە ارالىق ەكىنشى ورىنعا يە بولدى. بۇل تۋرالى Olympic.kz جازدى

ول قىسقا باعدارلامادا ءساتتى ونەر كورسەتىپ، 93,21 ۇپاي جينادى. بۇل وعان ەكىنشى ورىنعا تۇراقتاۋعا مۇمكىندىك بەردى.

قىسقا باعدارلامادان كەيىن ءبىرىنشى ورىنعا جاپون سپورتشىسى شيۋن ساتو شىقتى - 98,75 ۇپاي. ءۇشىنشى ورىن فرانسۋز ادام سياو حيم فيعا تيەسىلى - 91,22 ۇپاي.

ايتا كەتەيىك، ەركىن باعدارلامادا ونەر كورسەتۋ 24-قاراشادا وتەدى.

ەسكە سالا كەتەيىك بۇعان دەيىن ۇلتتىق قۇراما ويىنشىسى ەركىن تاپالوۆ «قايراتقا» اۋىسقانىن جازعان بولاتىنبىز.