قازاقستاندىق كاراتەشىلەر ماسكەۋدەگى تۋرنيردە جەڭىمپاز اتاندى

  استانا. KAZINFORM - ماسكەۋدە WKF كاراتەدەن وتكەن Moscow Karate Universe-2024 حالىقارالىق جارىسىندا قازاقستان ۇلتتىق قۇراماسى تابىستى ونەر كورسەتتى.

سپورتتى دامىتۋ ديرەكتسياسىنىڭ باسپا ءسوز قىزمەتىنەن ءمالىم ەتكەنىندەي، اتالمىش تۋرنيرگە بارلىعى 31 ەلدەن 329 سپورتشى قاتىسىپ، باق سىنادى.

سايىس قورىتىندىسىندا ءوز سالماق دارەجەلەرىندە قازاقستاندىقتار ءمولدىر جاڭبىرباي (-50 ك گ)، سوفيا بەرۋلتسيەۆا (+68 ك گ) جانە نيكيتا تارناكين (-84 ك گ) جەڭىمپاز اتاندى.

سونداي-اق، گۇلميرا ۇسەنوۆا (-55 ك گ)، لاۋرا ساعىنبەك (-68 ك گ) كۇمىس جۇلدەگە ىلىكتى.

ال دياس اناربەكوۆ (+84 ك گ)، جولامان بيعابىل (-60 ك گ)، دانيار يۋلداشيەۆ (-84 ك گ) قولا جۇلدەگەرلەر قاتارىنان كورىندى.

ەسكە سالا كەتەيىك، بۇدان بۇرىن ايەلدەر كۇرەسىنەن قازاقستان كۋبوگىنىڭ جەڭىمپازدارى انىقتالعانىن جازعان ەدىك.

اۆتور

عايساعالي سەيتاق