افريكادا Mpox ۆيرۋسى ءورشىدى

استانا. KAZINFORM - قۇرىلىمى بويىنشا شەشەك ۆيرۋسىنا ۇقساس Mpox ۆيرۋسى (مايمىل شەشەك) افريكادا تەز تارالىپ جاتىر. بۇل تۋرالى Anadolu اگەنتتىگى جازدى.

Mpox ۆيرۋسى افريكا كونتينەنتىندەگى 13 ەلدە، نەگىزىنەن كونگو دەموكراتيالىق رەسپۋبليكاسىندا (ك د ر) انىقتالعان.

ۆيرۋسقا قارسى جاسالعان ۆاكسينانى كونتينەنتكە جەتكىزۋدەگى قيىندىقتار افريكادا كوۆيد-19-عا ۇقساس ەپيدەميا قاۋپىنە قاتىستى الاڭداۋشىلىق تۋدىرادى.

9-تامىزدا افريكانىڭ اۋرۋلاردى باقىلاۋ جانە الدىن الۋ ورتالىعىنىڭ (افريكا CDC) جاريالاعان ەسەبىنە سايكەس، قاڭتاردان 8 -تامىزعا دەيىن افريكانىڭ 13 ەلىندە 2 822 ادام ۆيرۋس جۇقتىرعان جانە 14 719 كۇدىكتى جاعداي تىركەلگەن. ۆيرۋس 517 ادامنىڭ ءومىرىن قيدى.

ۆيرۋس العاش رەت 1970 -جىلى كونگو دەموكراتيالىق رەسپۋبليكاسىنداعى (ول كەزدە زاير دەپ اتالعان) ادامداردا انىقتالعان. 2022 -جىلدىڭ مامىر ايىندا ۆيرۋستىڭ ءبىر ءتۇرى دۇنيە جۇزىندە ىندەت تۋدىردى: ۆيرۋستى 111 ەلدە 90 مىڭ ادام جۇقتىردى. ولاردىڭ 140-ى قايتىس بولدى. 2023 -جىلدىڭ قىركۇيەگىندە ك د ر-دا پايدا بولعان جاڭا، اسا قاۋىپتى ۆيرۋس ءتۇرى 2024 -جىلدىڭ قاڭتارىندا بۇكىل ايماقتارعا تەز تارالا باستادى.

ۆيرۋس بۋرۋندي، ورتالىق افريكا رەسپۋبليكاسى، كونگو، كونگو، كامەرۋن، گانا، ليبەريا، نيگەريا، رۋاندا، كەنيا، كوت-ديۆۋار جانە وڭتۇستىك افريكا سياقتى ەلدەردە انىقتالدى.

2022-2023 -جىلدارى Mpox ينفەكسياسىن جۇقتىرعاندار سانى بىردەن 79 پايىزعا، ال 2023-2024 -جىلدارى 160 پايىزعا دەيىن ءوستى.