قازاقستاندىق جاس تەننيسشى حالىقارالىق تۋرنيردە توپ جاردى

استانا. KAZINFORM - قازاقستاندىق زاڭعار نۇرلان ۇلى لاتۆيانىڭ ايزكراۋكلە قالاسىندا جاس وسپىرىمدەر اراسىندا وتكەن ITF J100 تۋرنيرىنىڭ چەمپيونى اتاندى.

16 جاستاعى وتانداسىمىز فينالدا نيدەرلاند تەننيسشىسى، رەيتينگىدە 165-ورىندا تۇرعان حايدە شونماركسپەن كەزدەستى.

زاڭعار قارسىلاسىن 6:3، 6:2 ەسەبىمەن ۇتىپ شىقتى. وتكەن جىلى زاڭعار وسى جارىستا فينالعا دەيىن جەتكەن ەدى.

بۇل - قازاقستاندىق تەننيسشىنىڭ سپورتتىق جولىنداعى ITF Juniors دودالارىنداعى بەسىنشى، بيىلعى ءۇشىنشى تيتۋلى. قازىر جاس وسپىرىمدەر اراسىنداعى رەيتينگتە 77-ورىندا تۇر.