قازاقستاندىق جاس شاحماتشىلار الەم چەمپيونى اتاندى

استانا. KAZINFORM - شاحماتتان يتاليانىڭ مونتەسيلۆانو قالاسىندا ۇيىمداستىرىلعان كادەتتەر اراسىنداعى (U8-U12) الەم چەمپيوناتى مارەسىنە جەتتى.

قازاقستاندىق جاس شاحماتشىلار ءساتتى ويناپ، 2 التىن، 1 كۇمىس مەدال جەڭىپ الدى. ناتيجەسىندە جالپىكوماندالىق ەسەپتە ءبىرىنشى ورىندى يەلەندى.

10 جاسقا دەيىنگى جاس ساناتىندا الاننا بەرىك قىزى الەم چەمپيونى اتاندى. ول بىلتىر گرەكيانىڭ رودوس قالاسىندا 9 جاسقا دەيىنگى ساناتتا كلاسسيكالىق شاحماتتان الەم چەمپيونى بولعان ەدى. وسى جولى ول دۇنيەجۇزى باسەكەسىندە العان التىن سانىن ەكەۋگە جەتكىزدى.

ۇلدار اراسىندا (U12) مارك سميرنوۆ ەڭ كوپ ۇپاي جيناپ، التىن مەدال ەنشىلەدى. تاعى ءبىر وتانداسىمىز حانزادا امانجول 12 جاسقا دەيىنگى ساناتتا كۇمىس جۇلدەگەر اتاندى (قوسىمشا كورسەتكىش بويىنشا الەم چەمپيوناتىندا ەكىنشى ورىندى يەلەندى).

ايتا كەتەيىك، اپەنين تۇبەگىندەگى الەم چەمپيوناتىنا 77 ەلدەن قاتىسۋشى جينالدى. جالپى كوماندالىق ەسەپتە قازاقستاننان كەيىنگى ورىندى قىتاي (2 التىن، 1 قولا) مەن ءۇندىستان (1 التىن، 1 قولا) قۇرامالارى يەلەندى.