08:04, 13 - قاراشا 2023 | GMT +6
قازاقستاندىق فۋتبولشى باقتيەر زاينۋتدينوۆ جاراقات الىپ قالدى
قازاقستان قۇراماسىنىڭ ويىنشىسى باحتيەر زاينۋتدينوۆ «بەشيكتاش» ساپىنداعى كەزەكتى ويىنىن وتكىزدى. وتانداسىمىز تۇركيا سۋپەرليگاسىنىڭ 12-تۋرىندا جاراقات الىپ قالدى، دەپ حابارلايدى Kazinform Prosports.kz سايتىنا سىلتەمە جاساپ.
دوپقا تالاس كەزىندە ونىڭ بەتىنە «يستانبۋل باشاكشەحير» ويىنشىسى دجەروم وپوكۋدىڭ شىنتاعى قاتتى ءتيىپ كەتتى. سالدارىنان وتانداسىمىزدىڭ باس سۇيەگى، كوزى جانە مۇرنىنا زاقىم كەلدى. جارتىلاي قورعاۋشى «يستانبۋل باشاكشەحيرمەن» بولعان ويىننىڭ 41-مينۋتىندا اۋىستىرىلدى.
ويىنشى ىستامبۇلداعى اۋرۋحانالاردىڭ بىرىنە جاتقىزىلدى.
بۇل ويىندا «بەشيكتاش» 1:0 ەسەبىمەن جەڭىسكە جەتتى.
ايتا كەتەيىك، 17 -قاراشادا قازاقستان قۇراماسى ءوز الاڭىندا سان- مارينومەن ويناسا، 21 -قاراشادا سىرتتا سلوۆەنيامەن كەزدەسەدى.
اۆتور
ابىلايحان جۇماشيەۆ
