قازاقستاندىق «شاتىرداعى ەكەۋ» فيلمى ءۇندىستانداعى كينوفەستيۆالدە جەڭىمپاز اتاندى
استانا. KAZINFORM - «شاتىرداعى ەكەۋ» فيلمى ءۇندىستاننىڭ كالكۋتتا قالاسىندا وتكەن «التىن ارىستان» (GLIFF) حالىقارالىق كينوفەستيۆالىندە ەكى اتالىم بويىنشا جەڭىمپاز اتاندى.
ق ر مادەنيەت جانە اقپارات مينيسترلىگى باسپا ءسوز قىزمەتىنىڭ مالىمەتىنشە، فيلم ۇزدىك تولىقمەتراجدى فيلم دەپ تانىلىپ، Best Debut Filmmaker Of Feature Film نوميناتسياسىندا جەڭىسكە جەتتى.
سونىمەن قاتار فيلم وتكەن جىلى نيۋ-يوركتەگى Oniros Film Awards بەدەلدى كونكۋرسىنىڭ شيرەك فينالىنا شىقتى. كينوكارتينا ق ر مادەنيەت جانە اقپارات مينيسترلىگى مەن ۇلتتىق كينونى قولداۋ ورتالىعىنىڭ قولداۋىمەن تۇسىرىلگەن.
«شاتىرداعى ەكەۋ» فيلمىندە تاعدىرى قيىندىققا تولى جاس جىگىت دامير مەن اۋتيزمگە شالدىققان جاس ءوسپىرىم كوستيانىڭ اراسىنداعى دوستىق سۋرەتتەلەدى. شىعارماشىلىق توپ كارتينادا ينكليۋزيانىڭ ماڭىزىن جانە ەرەكشە بالالاردىڭ قوعامعا بەيىمدەلۋ ماسەلەسىن كوتەرگەن.
مادەنيەت جانە اقپارات ءمينيسترى ايدا بالايەۆا «قازاق فيلم» ۇلتتىق كينونى قولداۋ ورتالىعىنىڭ قاراجاتىنا قول جايمايتىنىن ايتتى.
