قازاقستاندىق شاحماتشى حالىقارالىق تۋرنيردىڭ جۇلدەگەرى اتاندى

استانا. KAZINFORM - قازاقستاندىق گروسسمەيستەر قازىبەك نوگەربەك فرانسيانىڭ كانن قالاسىندا وتكەن Festival International des Jeux 2025 حالىقارالىق شاحمات تۋرنيرىندە ەل قورجىنىنا قولا مەدال سىيلادى.

ناقتىراق ايتساق، 20 جاستاعى شاحماتشى 9 تۋردىڭ قورىتىندىسى بويىنشا 7 ۇپاي جينادى. ناتيجەسىندە جۇلدەلى ءۇشىنشى ورىنعا يە بولدى.

سوڭعى تۋردا جەرەبە تارتىلىپ، قازاقستاندىق ەكى گروسسمەيستەر - 24 جاسار الىشەر سۇلەيمەنوۆ (2481) پەن 20 جاستاعى قازىبەك نوگەربەك (2514) باق سىناستى. قارا فيگۋرالارمەن ويناعان 20 جاسقا دەيىنگى شاحماتشىلار اراسىنداعى 2024 -جىلدىڭ الەم چەمپيونى قارسىلاسىنان باسىم ءتۇسىپ، 3-ورىنعا كوتەرىلدى.

جارىسقا قاتىسقان قازاقستاننىڭ باسقا شاحماتشىلارىنىڭ ناتيجەسى تومەندەگىدەي:

الىشەر سۇلەيمەنوۆ - 6 ۇپاي، 16-ورىن؛

11 جاسار الاننا بەرىك قىزى (2015) - 4 ۇپاي، 86-ورىن؛

12 جاسار تيمۋر دۋشاتوۆ (2102) - 4 ۇپاي، 93- ورىن.

ايتا كەتەيىك، ۇلىتاۋ وبلىسىندا قازاقستانداعى ەڭ ءىرى شاحمات اكادەمياسى اشىلدى.

 

كۇنسۇلتان وتارباي