17:58, 26 - قىركۇيەك 2023 | GMT +5
قازاقستاندىق دزيۋدوشى ازيا ويىندارىنىڭ قولا جۇلدەگەرى اتاندى
قازاقستاندىق دزيۋدوشى نۇرلىحان شارحان حانجوۋدا ءوتىپ جاتقان 2022-جىلعى ازيا ويىندارىندا قولا مەدال ولجالادى.
قازاقپارات بۇل تۋرالى حالىقارالىق وليمپيادا كوميتەتىنىڭ رەسمي سايتىنا سىلتەمە جاساپ حابارلايدى.
100 كەلىگە دەيىنگى سالماق دارەجەسىندە ءۇشىنشى ورىنعا تالاسقان شارحان وڭتۇستىك كورەيا وكىلى يون حۋن ۆوننان باسىم ءتۇستى.
قازاقستان قورجىنىندا ازىرگە سەگىز مەدال بار ەكەنىن ايتا كەتەيىك.
بۇعان دەيىن دزيۋدوشى ءابيبا ءابۋجاقىنوۆا مەن وق اتۋ كومانداسى ەكىنشى ورىن يەلەندى. دزيۋدوشىلار ماعجان شامشادين، ابىلايحان جۇبانازار، ەسميگۇل كۋيۋلوۆا، مەرگەن - نيكيتا چيريۋكين، پنيەۆماتيكالىق ۆينتوۆكادان وق اتۋ بويىنشا الەكساندرا لە مەن يسلام ساتپايەۆ قولا جۇلدەنى قانجىعاسىنا بايلادى.
