قازاقستاندىق ديقاندار استىقتىڭ 86 پايىزىن جيناپ الدى
بۇگىنگى كۇنى قازاقستاندا 14,9 ميلليون گا ءداندى داقىل جينالدى، بۇل - جوسپارلانعان الاڭنىڭ 86,2 پايىزى. ورتاشا ونىمدىلىگى 9,2 س/گ ا بولعان كەزدە 13,6 ميلليون توننا استىق باستىرىلدى، دەپ حابارلايدى قازاقپارات ا ش م باسپا ءسوز قىزمەتىنە سىلتەمە جاساپ. بيىلعى ۆەگەتاتسيا كەزەڭىندە فەرمەرلەر ءبىرقاتار قيىندىققا تاپ بولدى.

وڭتۇستىك ايماقتاردا قۇرعاقشىلىق بولدى، ال سولتۇستىكتە قاتتى جاڭبىر جاۋدى، بۇل ەگىننىڭ جاي- كۇيىنە جانە جينالعان داقىلدىڭ ساپاسىنا اسەر ەتتى.
مەملەكەت باسشىسىنىڭ اۋا رايىنان زارداپ شەككەن اۋىل شارۋاشىلىعى وندىرۋشىلەرىنە قولداۋ كورسەتۋ جونىندەگى تاپسىرماسى شەڭبەرىندە مىناداي شارالاردى قابىلداۋ ۇسىنىلدى:
- فورۆاردتىق ساتىپ الۋ شەڭبەرىندە «ازىق-تۇلىك كورپوراتسياسىنىڭ» ساتىپ الۋ باعاسى 3-سىنىپتى بيداي ءۇشىن 120 مىڭ تەڭگە جانە 4-سىنىپتى بيداي ءۇشىن 105 مىڭ تەڭگە مولشەرىندە بەلگىلەنسىن؛
- فورۆاردتىق ساتىپ الۋ جانە تاۋارلىق كرەديت بويىنشا فەرمەرگە ايىپپۇل تولەمەي نەمەسە 1,05 نەمەسە %5 كوەففيسيەنتى بويىنشا 3-سىنىپتى بيدايدى 4-سىنىپقا اۋىستىرۋ جولىمەن اقشالاي قاراجاتپەن مىندەتتەمەلەردى ورىنداۋعا مۇمكىندىك بەرۋ؛
- مىندەتتەمەلەردى ورىنداۋعا مۇمكىندىگى جوق اۋىل شارۋاشىلىعى تاۋارىن وندىرۋشىلەر ءۇشىن %3 مولشەرىندە بانك سىياقىسىن وتەي وتىرىپ، شارتتى ورىنداۋ مەرزىمىن 1 جىلعا ۇزارتۋعا مۇمكىندىك بەرۋ.
سونىمەن قاتار، شارۋالار «ازىق- تۇلىك كورپوراتسياسى» استىقتى فەرمەرلەردەن، اسىرەسە جەمدىك بيدايدان تىكەلەي ساتىپ الۋدى سۇرايدى.
بۇل استىق نارىعىنا اسەر ەتىپ، سول ارقىلى استىق وندىرۋشىلەردىڭ قارجىلىق جاعدايىن جاقسارتۋعا مۇمكىندىك بەرەدى.
باياندالعاندى ەسكەرە وتىرىپ، 350 مىڭ توننا كولەمىندە تىكەلەي ساتىپ الۋعا مىناداي باعا ۇسىنىلدى:
4-كلاستى بيداي - 105 مىڭ تەڭگە،
5-كلاستى بيداي - 90 مىڭ تەڭگە،
كلاسقا جاتپايتىن بيداي - 70 مىڭ تەڭگە.
بۇل رەتتە ساتىپ الۋ بيۋدجەتتەن ءتيىستى قاراجات بولىنگەننەن كەيىن جۇزەگە اسادى.
اۆتور
جانات قاپالبايەۆا