قازاقستاندىق بياتلونشى قىزدار قىسقى ازيادانىڭ قولا جۇلدەسىن ەنشىلەدى

يابۋلي. KAZINFORM - بياتلوننان قازاقستان قىزدار قۇراماسى قىتايدا ءوتىپ جاتقان Ⅸ قىسقى ازيا ويىندارىنىڭ قولا جۇلدەگەرى اتاندى.

Қазақстандық биатлоншы қыздар қысқы Азиаданың қола жүлдегері атанды
Фото: Нұрғали Жұмағазы

ايەلدەر اراسىندا 6 شاقىرىمعا ەستافەتادان ەل قۇراماسى ساپىندا ولگا پولتورانينا، داريا كليمينا، ارينا كريۋكوۆا جانە ەليزاۆەتا بەلەتسكايا جارىس جولىنا شىقتى.

جارىس قورتىندىسىندا قازاقستان قىزدار قۇراماسى 1 ساعات 30 مينۋت 01.9 سەكۋند ناتيجە كورسەتىپ، مارە سىزىعىن ءۇشىنشى كەستى. قىتاي جانە وڭتۇستىك كورەيا قۇراماسى تيسىنشە التىن جانە كۇمىس مەدالدى ءوزارا ءبولىستى.

ايتا كەتەيىك، كەشە يابۋلي تاۋ-شاڭعى كۋرورتىندا وتكەن باسەكەلەردە ەل قورجىنى ەكى جۇلدەمەن تولىقتى. ناقتىراق ايتساق، شاڭعى سپورتىنان ايەلدەر اراسىندا كوماندالىق ەستافەتادا سپورتشىلارىمىز كۇمىس الدى. ال جىگىتتەر 7.5 شاقىرىمدىق ەستافەتادا قولا جۇلدەنى قانجىعاعا بايلادى.