قازاقستاندىق بوكسشىنىڭ انگلياداعى جەكپە- جەگى نوكاۋتپەن اياقتالدى

استانا. KAZINFORM - قازاقستاندىق بوكسشى تۇرسىنباي قۇلاحمەت (6-1، 4 ك و) حايتون قالاسىندا (انگليا) وتكەن كاسىپقوي بوكس كەشىندە ونەر كورسەتتى، دەپ حابارلايدى Sports.kz.

ول پولشالىق روبەرت تالارەكپەن (28-24-3، 19 ك و) جەكپە-جەك وتكىزدى. ورتا سالماقتاعى جەكپە-جەك التى راۋندقا جوسپارلانعان بولاتىن. الايدا بەلگىلەنگەن ۋاقىتقا سوزىلمادى: ءتورتىنشى راۋندتا قۇلاحمەت تاراپىنان جاسالعان مىقتى سوققىدان كەيىن پولياك ورنىنان تۇرا الماي قالدى.

وسىلايشا، تۇرسىنباي قۇلاحمەت مانسابىنداعى جەتىنشى جەڭىسىنە قول جەتكىزسە، روبەرت تالارەك 25-جەڭىلىسىنە ۇشىرادى. قۇلاحمەت ءۇشىن بۇل 2021-جىلدىڭ قازان ايىندا دومينيكاندىق حۋان كارلوس ابرەۋدەن (26-7-1، 24 ك و) اۋىر نوكاۋتپەن جەڭىلگەننەن كەيىنگى ءۇشىنشى جەكپە-جەك بولدى. وسى جەڭىلىستەن كەيىن ول كولۋمبيالىق حوەل حۋليو (39-20، 33 ك و) مەن فرانسۋز فۋاد ەل ماسسۋديدى (18-22-1، 2 ك و) جەڭگەن بولاتىن.