18:40, 04 - قازان 2023 | GMT +5
قازاقستاندىق بۇرىمدى بوكسشى ازيا ويىندارىنىڭ فينالىنا شىقتى
قىتايدىڭ حاڭجوۋ قالاسىندا ءوتىپ جاتقان ازيا ويىندارىندا قازاقستاندىق بوكسشى كارينا يبراگيموۆا فينالعا شىقتى، دەپ حابارلايدى قازاقپارات ءتىلشىسى.

الەم چەمپيوناتىنىڭ ءۇش دۇركىن جۇلدەگەرى ك. يبراگيموۆا 57 كەلىگە دەيىنگى سالماقتا جارتىلاي فينالدا تاجىكستاندىق ميجگونا سامادوۆامەن جۇدىرىقتاستى.
تارتىستى وتكەن جەكپە-جەكتە قازاقستاندىق بوكسشى قارسىلاسىن 3:2 ەسەبىمەن ۇتتى.
وسىلايشا، بۇعان دەيىن وليمپيادا جولداماسىنا قول جەتكىزگەن كارينا يبراگيموۆا ەندى ازيادا التىنى ءۇشىن الەم چەمپيوناتىنىڭ ەكى مارتە چەمپيونى، تايبەيلىك يۋ تين ليمەن تالاسادى.
ەسكە سالا كەتەيىك، بۇدان بۇرىن قامشىبەك قوڭقابايەۆتىڭ ازيا ويىندارىنىڭ فينالىنا شىعىپ، وليمپيادا جولداماسىنا يە بولعانىن جازعان ەدىك.
سونداي-اق مەيىرجان شەرماحانبەت گرەك-ريم كۇرەسىنەن فينالعا جولداما الدى.