قازاقستاندىق ايەل ا ق ش الەۋمەتتىك جەلىلەرىندە جىلدىڭ ۇزدىك مودەلى اتاندى

  استانا. KAZINFORM -قازاقستاندىق كريستينا مەنيسوۆ ا ق ش-تا وتكەن بايقاۋدا الەۋمەتتىك جەلىدەگى جىلدىڭ ۇزدىك مودەلى اتاندى.

الەۋمەتتىك جەلىلەردە جىلدىڭ ۇزدىك مودەلى اتاعى ءۇشىن بەس قاتىسۋشى سايىسقا ءتۇستى.

داۋىس بەرۋ قورىتىندىسى بويىنشا جەڭىسكە جەتكەن الماتىلىق مودەل كريستينا مەنيسوۆ ۇلتتىق دەڭگەيدەگى ماراپات - National Social Media Awards سىيلىعىنا يە بولدى.

«مەن ءۇشىن وسى جولى داۋىس بەرگەندەرگە جانە مەن قانداي ءىس-شاراعا قاتىسسام دا ءارقاشان ماعان قولداۋ كورسەتەتىن جانداردىڭ ءارقايسىسىن باعالايمىن. مەنىڭ 2017 -جىلى ءبىر جاسار بالاممەن لوس-اندجەلەسكە كاسىبي مودەلدىك قىزمەتكە بارۋىما سەبەپكەر بولعان وزدەرىڭىز. مەن وسى تاڭعاجايىپ پلاتفورمانىڭ قۇرىلعانىنا جانە كوپشىلىگىڭىزدىڭ مەنىڭ بارلىق ىستەرىمدى قولداعاندارىڭىز ءۇشىن وتە ريزامىن»، - دەپ جازدى مودەل Instagram پاراقشاسىندا.

كريستينا 2022 -جىلى ا ق ش- تا وتكەن Miss Universe World International بايقاۋىندا باس جۇلدەنى جەڭىپ العان. قازاقستاندىق مودەل Chopard ،Cartier ،Michael Costello, Balmain ،Yves Saint Laurent سياقتى الەمدىك برەندتەرمەن جۇمىس ىستەپ تە ۇلگەردى. ول Vogue, Mexico ،Elle, Glamour ،Harper's Bazaar جۋرنالدارىنىڭ مۇقابالارىنا شىقتى.