قازاقستاندىق پاراسپورتشىلار مىسىردا ەكى مەدال جەڭىپ الدى

Фото: Спорт комитеті
Фото: Спорт комитеті

استانا. KAZINFORM - مىسىر ەلىندە وتكەن پاراۇستەل تەننيسىنەن Fa40 اشىق چەمپيوناتىندا قازاقستاندىق سپورتشىلار 1 كۇمىس جانە 1 قولا مەدال ەنشىلەدى.

ق ر سپورت كوميتەتى ءمالىم ەتكەندەي، جارىستا ارالاس جۇپ رازريادىندا ونەر كورسەتكەن تالعات ەرەكەيەۆ پەن التىناي ەرجان قىزى كۇمىس مەدال يەلەندى. ال، جۇپتىق رازريادتاعى باسەكەدە الي ماحۋلبەكوۆ پەن تالعات ەرەكەيەۆ قولا جۇلدە ەنشىلەندى.

«بۇل پاريج-2024 پاراليمپيادا ويىندارىنا قاتىسۋ ءۇشىن رەيتينگتىك جارىستاردىڭ ءبىرى بولىپ كەلەدى. ءبىزدىڭ سپورتشىلارىمىز ءاردايىم ءوز شەبەرلىگىن شىڭداپ، كورسەتكىشتەرىن جاڭارتىپ وتىرۋ كەرەك. پارا ۇستەل تەننيسىندە رەيتينگتەرگە ۇپايلار Fa20 جانە Fa40 جارىستارىندا بەرىلەدى. Fa40 تىڭ ەرەكشەلىگى رەيتينگكە جوعارى ۇپايلار بەرىلەدى جانە جارىسقا تەك Fa20-دا ونەر كورسەتكەن سپورتشىلار عانا قاتىسا الادى. جالپى جىل كولەمىندە Fa40 جارىستارى 5 رەت وتسە، Fa20 شامامەن 20-25 رەت وتەدى. جۋىردا ناۋرىز ايىندا استانادا تۇڭعىش رەت رەيتينگتىك Fa20 اشىق چەمپيوناتى وتەتىن بولادى. وعان 14 مەملەكەتتەن 135 سپورتشى قاتىسادى دەپ جوسپارلانىپ وتىر»، - دەدى دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ پارا ۇستەل تەننيسىنەن كوماندا باسشىسى ەرلان دۋسمايلوۆ.

ايتا كەتسەك، Fa40 چەمپيوناتى 23-28- قاڭتار ارالىعىندا گيزا قالاسىندا ءوتتى. جارىسقا 27 ەلدەن 190 سپورتشى قاتىستى.

اۆتور كۇنسۇلتان وتارباي

سوڭعى جاڭالىقتار