قازاقستاندىق پاراليمپياداشىلار 22 ليتسەنزياسىن جەڭىپ الدى

  استانا. KAZINFORM - فرانسيا استاناسى پاريج قالاسىندا وتەتىن پاراليمپيادا ويىندارىنا تاعى ءبىر قازاقستاندىق اتلەت جولداما جەڭىپ الدى.

ناقتىراق ايتساق، قازاقستاندىق سپورتشىسى سالتانات ءابىلحاسىم قىزى پارا جەڭىل اتلەتيكادان پاريج-2024 ليتسەنزيا الدى. ول ت35 كلاسسىندا 100 م جۇگىرۋ ديستسيپليناسىندا ونەر كورسەتەتىن بولادى.

بۇل وسىمەن پارا جەڭىل اتلەتيكادان قازاقستاننىڭ ءتورتىنشى ليسەنزياسى. بۇدان بولەك، پاراليمپيادا ويىندارىندا اتالعان سپورتتان ەل نامىسىن داستان مۇقاشبەكوۆ، جولامان ەلامان جانە قايىرجانوۆا گۇلباحىت قورعايتىن بولادى.

قازىرگى ۋاقىتتا قازاقستاننىڭ پاراليمپيادا ويىندارىندا سپورتتىڭ 8 تۇرىنەن 22 ليتسەنزيا بار.

ولاردىڭ ىشىندە: پارا پاۋەرليفتينگ (5)، پارا جەڭىل اتلەتيكا (4)، پارا ءجۇزۋ (4)، ۆولەيبولدى وتىرىپ ويناۋ (1)، پارا ۇستەل تەننيسى (1)، پارا تاەكۆوندو (3)، پارا كانوە (2) جانە پارا وق اتۋ (2).

XVII جازعى پاريج-2024 پاراليمپيادا ويىندارى 28-تامىز بەن 8-قىركۇيەك ارالىعىندا وتەدى. جارىستا 23 سپورت تۇرىنەن 549 مەدال جيىنتىعى ساراپقا سالىنادى.

اۆتور

كۇنسۇلتان وتارباي