قازاقستاندىق 9 جاسار فۋتبولشى تۇركيانىڭ «بەشيكتاش» كلۋبىندا جاتتىعاتىن بولادى
قازاقستاندىق 9 جاسار الديار مۇقانوۆ تۇركيانىڭ «بەشيكتاش» كلۋبىندا جاتتىعاتىن بولادى، دەپ حابارلايدى قازاقپارات ءتىلشىسى.
ءبىر جىلدان بەرى «اقجايىق-2014» كومانداسىندا جاتتىعاتىن الديار ماۋسىم ايىندا الماتى قالاسىنا بارىپ، ىرىكتەۋدىڭ ءبىرىنشى كەزەڭىنەن وتكەن.
الدياردىڭ اناسى بايانسۇلۋ مۇقانوۆانىڭ ايتۋىنشا، ەلىشىلىك ىرىكتەۋدەن وتكەن 6 بالا ىستانبۇل قالاسىنا بارعان. وندا ىرىكتەۋدەن ەكەۋى وتكەن.
ەندى جاس فۋتبولشى 11-قازاندا ىستانبۇلعا جول جۇرەدى. ونىڭ العاشقى باپكەرى ارىستان كۋلتايەۆ شاكىرتىنەن ۇلكەن ءۇمىت كۇتەدى.
قازىرگى كەزدە الديار تۇرىك ءتىلىن ۇيرەنىپ ءجۇر. ونىڭ تۇركياداعى بارلىق شىعىنىن «بەشيكتاش» كلۋبى ءوز موينىنا الدى.
وسىلايشا، قازاقستان ۇلتتىق قۇراماسىنىڭ ويىنشىسى باحتيەر زاينۋتدينوۆتىڭ كوماندالاسى اتانعان الدياردى «اقجايىق» ف ك ديرەكتورى ماناربەك ەرجانوۆ قۇتتىقتاپ، ەستەلىك سىيلىق تابىس ەتتى.
الديار ىستانبۇلدا باستاپقى كەزەڭدە ناعاشى اجەسىمەن بىرگە تۇرماق.
