قازاقستاندىق 267 جۇرگىزۋشى كۋالىگىنەن ايىرىلسا دا، كولىك ايداپ جۇرگەن

استانا. KAZINFORM - «قۇقىقتىق ءتارتىپ» اتتى 10 كۇندىك جەدەل-پروفيلاكتيكالىق ءىس-شارانىڭ كەزىندە ماس بولىپ كولىك ايداۋعا قاتىستى 4378 فاكتى تىركەلگەن.

بۇل تۋرالى ىشكى ىستەر مينيسترلىگىنىڭ رەسمي وكىلى شىڭعىس الەكەشەۆ ۆەدومستۆونىڭ ونلاين بريفينگىسىندە ايتتى.

«جول قوزعالىسىن قاداعالاۋ كەزىندە جىلدامدىق رەجيمىن ساقتاماۋدىڭ 22 مىڭ فاكتىسى، قارسى جولاققا شىعۋدىڭ 337 فاكتىسى تىركەلدى. اۆتوكولىكتى ماس كۇيدە باسقارعان 437 جۇرگىزۋشى ۇستالدى. ونىڭ 16 ى ەسىرتكىلىك ماساڭ كۇيدە بولعان. جۇرگىزۋشى كۋالىگىنەن ايىرىلسا دا، كولىك تىزگىندەگەن 267 ادام انىقتالدى»، - دەدى ول.

رەسمي وكىل بەينەباقىلاۋ كامەرالارىنىڭ كومەگىمەن 125 قىلمىستىڭ جولى كەسىلگەنىن اتاپ ءوتتى.

«مىسالى، كوكشەتاۋ قالاسىنىڭ بازارلارىنىڭ بىرىندە بەلگىسىز ادام كولىك تەرەزەسىن سىندىرىپ، سومكە ۇرلاپ كەتكەن. پوليتسەيلەر كۇدىكتىنى تەز ارادا ۇستادى. استانادا سكۋتەردى جاسىرىن تۇردە ۇرلاپ اكەتكەن كۇدىكتى انىقتالدى. شىعىن - 400 مىڭ تەڭگە. بۇل فاكتىلەر بويىنشا سوتقا دەيىنگى تەرگەۋ جۇرگىزىلىپ جاتىر»، - دەدى شىڭعىس الەكەشەۆ.

اۆتور

ەسىمجان ناقتىباي