قازاقستاندىق 21 جوعارى وقۋ ورنى الەمنىڭ ۇزدىك ۋنيۆەرسيتەتتەرىنىڭ قاتارىنا كىردى
استانا. قازاقپارات - ج و و-دارى 245-كە جۋىق بىرلەسكەن ءبىلىم بەرۋ جانە قوس ديپلومدىق باعدارلامالاردى ىسكە اسىرىپ جاتىر.
QS WUR الەمنىڭ ۇزدىك ۋنيۆەرسيتەتتەرىنىڭ حالىقارالىق رەيتينگىنە قازاقستاندىق 21 ج و و كىردى. بۇل تۋرالى ۇكىمەتتىڭ باسپا ءسوز قىزمەتى ءمالىم ەتتى.
ج و و-دارى 245-كە جۋىق بىرلەسكەن ءبىلىم بەرۋ جانە قوس ديپلومدىق باعدارلامالاردى ىسكە اسىرىپ جاتىر. Times Higher Education رەيتينگىنە قازاقستاندىق 29 جوعارى وقۋ ورنى قاتىستى، ونىڭ ىشىندە 4 جوعارى وقۋ ورنى تىزىمنەن ورىن الدى.
جىل سايىن ءدارىس وقىتۋعا 200 شەتەلدىك عالىمدى شاقىرۋعا قاراجات بولىنەدى. تىزىمگە 8 مىڭنان استام ءبىلىم بەرۋ باعدارلاماسى ەنگىزىلدى، ونىڭ %57 ى جاڭارتىلدى.
سيفرلىق ۋنيۆەرسيتەتتەردىڭ مودەلى جاسالدى. 2023 -جىلدان باستاپ بۇل مودەل 2 ج و و: ق. ساتبايەۆ اتىنداعى قازۇ ت ز ۋ جانە د. سەرىكبايەۆ اتىنداعى ش ق ت ۋ بازاسىندا پيلوتتىق رەجيمدە ىسكە قوسىلدى.
ىنتىماقتاستىقتى دامىتۋ جانە وقىتۋدىڭ يننوۆاتسيالىق تەحنولوگيالارىن قولدانۋ ماقساتىندا Coursera ،Huawei Technologies Kazakhstan ،Binance Kazakhstan سياقتى ءىرى كومپانيالارمەن كەلىسسوزدەر جۇرگىزىلىپ، مەموراندۋمدارعا قول قويىلدى. Huawei سەرتيفيكاتتالعان كۋرستارىن ۇسىنۋ ءۇشىن 40 ج و و بازاسىندا Huawei ICT Academy قۇرىلدى. Binance Kazakhstan قولداۋىمەن 22 ج و و-نىڭ اكت فاكۋلتەتتەرىنىڭ 350-گە جۋىق وقىتۋشىسى بلوكچەين-تەحنولوگيالار بويىنشا وقىتىلدى. Coursera جوباسى بۇكىل ەلىمىز بويىنشا 93 ۋنيۆەرسيتەتتى قامتىدى، بۇل سۇرانىسقا يە داعدىلار بويىنشا ونلاين كۋرستارعا قول جەتكىزۋگە مۇمكىندىك بەردى. 152 كۋرس قازاق جانە ورىس تىلدەرىنە اۋدارىلىپ، 4 مىڭ كۋرسقا قازاق تىلىندە ماشينالىق اۋدارما جاسالدى.
