قازاقستاندىق 10 تەننيسشى الەمدەگى ەڭ ۇزدىك 100 سپورتشىنىڭ قاتارىنا كىردى

قازاقستاندىق 10 تەننيسشى الەمدەگى توپ-100- ءدىڭ قاتارىنا كىردى، دەپ حابارلايدى Kazinform.

قازاقستان تەننيس فەدەراتسياسىنان ءمالىم ەتكەنىندەي، WTA رەيتينگىسىندە ەلەنا رىباكينا 4-ورىنعا تۇراقتادى.

يۋليا پۋتينتسيەۆا جىلدى 69-ساتىدا اياقتايتىن بولسا، جۇپتىق سىندا اننا دانيلينا 56-دا تۇر.

ەرلەر اراسىندا ا ت ر رەيتينگىسىندە الەكساندر بۋبليك الەمنىڭ 32-راكەتكاسى بولسا، جۇپتىق سىندا الەكساندر نەدوۆەسوۆ – 44، اندرەي گولۋبيەۆ 61-ورىنعا جايعاستى.

جاس وسپىرىمدەر اراسىندا ITF رەيتينگىسىندە ۇزدىك جۇزدىككە ەكى تەننيسشى ەندى. ءامىر ومارحانوۆ – 57، اسىلجان ارىستانبەكوۆا 66-ساتىدا بەكىدى.

14 جاسقا دەيىنگىلەر اراسىندا Tennis Europe رەيتينگىسىندە ەۆا كورىشيەۆا 50- ورىندا، توميريس نۇرجان 91-راكەتكا بولىپ تۇر.

ەسكە سالا كەتەيىك، بۇدان بۇرىن جىبەك قۇلامبايەۆانىڭ ءۇندىستانداعى تۋرنيردىڭ كەلەسى اينالىمىنا وتكەنىن جازعان بولاتىنبىز.

سونداي-اق تەننيسشى دەنيس ەۆسەيەۆ يسپانياداعى تۋرنيردىڭ شيرەك فينالىنا شىقتى.