قازاقستانداعى ەڭ سترەستى 5 ماماندىق انىقتالدى

تەحنولوگيانىڭ تۇرلەنىپ، سانانىڭ سىلكىنۋىمەن ەڭبەك نارىعى ەلەۋلى تۇردە وزگەرىپ جاتىر.

باقساق، بۇرىنعىداي قايتكەندە زاڭگەر، سوت، ەكونوميست بولاسىڭ دەگەن كەسىمدەر دە كولەگەيلەنىپ كەلەدى. سەبەبى عالامتور قارىشتاپ، جاساندى زەردە قانات جايعالى تۇلعا قالاعان ماماندىعىن قاشىقتىقتا وتىرىپ-اق ەڭسەرە بەرەدى نە ءوزىن جۇمىسپەن قامتۋعا قاۋقارلى، دەپ جازادى Egemen.kz.

قۇبىلىپ تۇرعان جۇمىس ۇردىسىندە قالىپتاسقان جايتتار دا بار. ونىڭ ءبىرى - ەلدەگى ەڭ سترەستى اتالاتىن ماماندىقتار.

«ەڭبەك ادامى» يدەولوگياسىنا قوعامدىق قىزىعۋشىلىق جانە قازاقستانداعى كاسىپتەردىڭ بەدەلى تالدامالىق ەسەبىندە 2023 -جىلدىڭ قورىتىندىسىنا ساي مىنا ماماندىقتار جۇيكەگە ەڭ كوپ سالماق جۇكتەيتىن كاسىپ ەكەنى بەلگىلى بولدى:

ءمۇعالىم: 37, 6 پايىز؛

دارىگەر: 31, 7 پايىز؛

ءورت ءسوندىرۋشى: 20, 6 پايىز؛

تاربيەشى: 14, 3 پايىز؛

مەملەكەتتىك قورعانىسقا بايلانىستى كاسىپتەر: 14 پايىز.

قازاقستان قوعامدىق دامۋ ينستيتۋتى «medialab» ورتالىعى ادىستەمەلىك سۇيەمەلدەۋ باسقارماسىنىڭ باسشىسى جاقسىبەك جيەناليەۆ قوسىندى %100 عا تەڭ ەمەس ەكەنىن، سەبەبى رەسپوندەنتتەر بىرنەشە جاۋاپ نۇسقاسىن بەلگىلەي العانىن ەسكەرتەدى.

جاقسىبەك جيەناليەۆ ساۋالداما قورىتىندىسىنا ساي قازاقستاندا وتكەن جىلى جوعارى سۇرانىسقا يە بولىپ، ەڭ تانىمال بولعان 5 كاسىپتى گازەتىمىزدىڭ بۇگىنگى سانىندا جارىق كورگەن ماتەريالىندا تارقاتا جازعان.

دانا ءمىرزاقادىر