قازاقستانداعى كاسىپكەرلەردىڭ 48,1 پايىزى ايەلدەر
الماتى. KAZINFORM - بىلتىر قازاقستاندا 1 ميلليوننان اسا ايەل شاعىن جانە ورتا بيزنەستى باسقارعان، بۇل شاعىن جانە ورتا كاسىپكەرلىك (ش و ك) سۋبەكتىلەرىنىڭ جالپى سانىنىڭ 48,1 پايىزىن قۇرايدى، دەپ حابارلايدى ۇ ە م باسپا ءسوز قىزمەتى.
ايەلدەر ەكونوميكانىڭ ءتۇرلى سەكتورلارىندا، اسىرەسە ساۋدادا، ءبىلىم بەرۋدە، سۇلۋلىق يندۋسترياسىندا، الەۋمەتتىك باعدارلانعان جوبالاردا كاسىپكەرلىك قىزمەتپەن بەلسەندى اينالىسۋدا.
ش و ك باسقاراتىن ايەلدەردىڭ باسىم بولىگى قازاقستاننىڭ ءىرى قالالارىندا تىركەلگەن. شاعىن جانە ورتا بيزنەستى الماتىدا 174851 ايەل، ال استانادا 121203 ايەل باسقارادى. سوڭعى جىلدارى ەكولوگيالىق تۇراقتىلىق پەن الەۋمەتتىك ماڭىزى بار جوبالاردى تاڭدايتىن ايەلدەر سانىنىڭ ءوسۋى بايقالادى، بۇل الەمدىك ترەندتەرگە جانە ورنىقتى دامۋدىڭ مەملەكەتتىك ساياساتىنا سايكەس كەلەدى.
قازاقستان ايەلدەر كاسىپكەرلىگىن دامىتۋ ءۇشىن بەلسەندى جاعداي جاساۋدا. سونىڭ ءبىر مىسالى، جۇمىس ىستەيتىن ايەلدەرمەن قاتار، كوپبالالى جانە جالعىزباستى انالارعا ارنالعان «ۇماي» جەڭىلدىكتى يپوتەكالىق باعدارلاماسى.
بۇدان بولەك، «دامۋ» قورى ارقىلى ىسكە اسىرىلاتىن «ءۇمىت» مەملەكەتتىك باعدارلاماسى كاسىبىن جاڭادان باستايتىندارعا گرانتتار، سۋبسيديالار، سونداي- اق ءبىلىم بەرۋ كۋرستارى مەن كونسۋلتاتسيالار ۇسىنادى. ايەلدەر بۇعان قوسا Business Qymyz تەگىن ونلاين باعدارلاماسىن پايدالىپ، گرانتتار الۋ ءۇشىن Coca-Cola Belesteri» بايقاۋىنا قاتىسا الادى.
2015-جىلدان باستاپ ق ر ۇلتتىق ەكونوميكا مينيسترلىگى مەن ەۋروپالىق قايتا قۇرۋ جانە دامۋ بانكى (ە ق د ب) ايەلدەر كاسىپكەرلىگىنىڭ باسەكەگە قابىلەتتىلىگىن ارتتىرۋعا باعىتتالعان «بيزنەستەگى ايەلدەر» باعدارلاماسىن ىسكە اسىرۋدا. باعدارلاما اياسىندا 521 كونسالتينگتىك جانە كوۋچينگتىك جوبا، «ميكروبيزنەستەگى ايەلدەر» ونلاين باعدارلاماسى ارقىلى 7,5 مىڭنان استام ايەل وقىتىلدى. سونىمەن بىرگە ەقدب ايەلدەردىڭ شوب نەسيەلەۋ ءۇشىن 6 قارجى ينستيتۋتىنا 212 ميلليون ا ق ش دوللارىن بەردى.
TalpynUP، Dell Women’s Entrepreneur Network باعدارلاماسى، سونداي-اق Mastercard جانە ە ق د ب- مەن سەرىكتەستىكتە 2025-جىلعى 6-23-ناۋرىز ارالىعىندا باستالاتىن «Business-Aru» جوباسى سياقتى باستامالار ايەلدەرگە قوسىمشا قولداۋ كورسەتەدى. بۇل جوبا ارقىلى ايەلدەر قارجى، ماركەتينگ، ساتۋ جانە بيزنەستى باسقارۋ بويىنشا تەگىن ءبىلىم الىپ، وزدەرىنىڭ بيزنەس-جوسپارىن جاسايدى.
قازاقستانداعى ايەلدەر كاسىپكەرلىگىن قولداۋ شارالارى شاعىن جانە ورتا بيزنەستى دامىتۋعا ىقپال ەتىپ قانا قويمايدى، سونىمەن قاتار «گەندەرلىك تەڭدىكتى قامتاماسىز ەتۋ جانە بارلىق ايەلدەر مەن قىزداردىڭ قۇقىقتارى مەن مۇمكىندىكتەرىن كەڭەيتۋ» ورنىقتى دامۋ ماقساتىنا قول جەتكىزۋگە ەلەۋلى ۇلەس قوسادى.
ايەلدەر كاسىپكەرلىگىن قولداۋ باعدارلامالارىن دامىتۋ، قارجىلاندىرۋعا قول جەتكىزۋ، سونداي-اق وقىتۋ مەن تالىمگەرلىك ايەلدەر ءۇشىن قوسىمشا مۇمكىندىكتەر تۋعىزادى ءارى قازاقستاندا گەندەرلىك تەڭدىككە قول جەتكىزۋدەگى پروگرەستى جەدەلدەتەدى.
بۇعان دەيىن قازاقستانداعى ازاماتتىق اۆياتسيا ماماندارىنىڭ 40 پايىزى - ايەلدەر ەكەنى ايتىلدى.
