قازاقستانداعى ەڭ «ءوتىمدى» جىلجىمايتىن مۇلىك اتالدى

тұрғын үй
فوتو: gov.kz

استانا. KAZINFORM - ۇلتتىق ستاتيستيكا بيۋروسى ءساۋىردىڭ قورىتىندىسى بويىنشا، قازاقستاندا ساتىپ الۋ-ساتۋ مامىلەلەرى بويىنشا تانىمال جىلجىمايتىن مۇلىك تۇرلەرىن اتادى، - دەپ حابارلايدى Tengrinews.kz ءتىلشىسى.

جاريالانعان اقپارات بويىنشا، بولمەلەر سانى بويىنشا ساتىلىمدا 2 بولمەلى پاتەرلەر كوش باستايدى: 2024 -جىلدىڭ ساۋىرىندە، ولار بويىنشا 8844 ترانزاكسيا ورىندالعان.

«2024 -جىلدىڭ ناۋرىزىمەن سالىستىرعاندا ساۋىردە جەكە ءۇي مامىلەلەرىنىڭ سانى دا 40,5 پايىزعا نەمەسە 2256 مامىلەگە ءوستى. ساۋىردە ولاردىڭ رەكورد سانى تىركەلدى - 7830. ءوسىم ەلىمىزدىڭ بارلىق وڭىرىندە بايقالادى»، - دەپ تولىقتىردى بيۋرو.

ساۋىردە بارلىعى 31248 تۇرعىن ءۇي ساتىپ الۋ-ساتۋ مامىلەسى تىركەلدى: ونىڭ 7830 ى جەكە تۇرعىن ۇيلەرگە، 23418 ى پاتەرلەرگە قاتىستى. ناۋرىزبەن سالىستىرعاندا ساۋىردە ەلىمىزدىڭ بارلىق دەرلىك ايماقتارىندا ءوسىم بايقالعان. ترانزاكسيالار سانى بويىنشا بۇرىنعىداي استانا (17,9 پايىز)، الماتى (49 پايىز) قالالارى، سونداي-اق قاراعاندى ​​وبلىسى كوش باستاپ تۇر.

سوڭعى جاڭالىقتار