18:59, 26 - اقپان 2025 | GMT +5
قازاقستانداعى «ەڭ باي زەينەتكەر» قانشا الادى؟
استانا. KAZINFORM - ءبىرىڭعاي جيناقتاۋشى زەينەتاقى قورى (ب ج ز ق) قازاقستانداعى ەڭ جوعارى اي سايىنعى زەينەتاقى مولشەرى 993040 تەڭگە ەكەنىن مالىمدەدى.
قاڭتاردا بۇل كورسەتكىش 945752 تەڭگە بولعان. ال زەينەت جاسىنا جەتكەن ازاماتتارعا ب ج ز ق- دان تولەنەتىن ورتاشا ايلىق تولەم 35523 تەڭگە (قاڭتاردا 33906 تەڭگە) بولعان.
ب ج ز ق مالىمەتىنشە، 2025-جىلعى 1-اقپانداعى جاعداي بويىنشا قازاقستاندا 17,24 ميلليون زەينەتاقى شوتى بار.
«قازىر قازاقستاندىقتاردىڭ زەينەتاقى اكتيۆتەرى 22,64 تريلليون تەڭگەگە جەتتى. كەيىنگى 12 ايدا زەينەتاقى اكتيۆتەرى 4,52 تريلليون تەڭگەگە (نەمەسە 25 پايىزعا) ءوستى»، - دەپ جازىلعان حابارلامادا.
