قازاقستانداعى 2023-جىلداعى ەڭ تانىمال 10 ەسىم بەلگىلى بولدى
2023-جىلى تۋعان نارەستەلەرگە ەڭ كوپ قويىلعان ەسىمدەر 2022-جىلمەن سالىستىرعاندا ايتارلىقتاي وزگەرىسكە ۇشىراعان جوق. قىزدارعا ەڭ ءجيى قويىلعان 10 ەسىم ءتىزىمى وزگەرىسسىز قالسا، ۇلدار اراسىندا حامزا ەسىمى رامازان ەسىمىن ىعىستىرىپ، العاشقى وندىققا كىردى.
بۇل تۋرالى Kazinform ق ر ۇلتتىق ستاتيستيكا بيۋروسىنىڭ باسپا ءسوز قىزمەتىنە سىلتەمە جاساپ حابارلايدى.
2023-جىلدىڭ تانىمال 10 ەسىمى
ۇلدار اراسىندا اليحان، ومار، امير، الديار، ايسۇلتان، الان، الي، نۇريسلام، مۋحامماد، حامزا ەسىمدەرى ەڭ كوپ قويىلعان.
قىزدار اراسىندا مەدينا، ايشا، ايلين، اسىلىم، سافيا، توميريس، رايانا، امينا، ايالا، ايىم ەسىمدەرىنە قىزىعۋشىلىق جوعارى بولىپ تۇر.
اتالعان ءتىزىمدى 2013-جىلمەن سالىستىراتىن بولساق، اليحان، امير جانە نۇريسلام ەسىمدەرى ۇلدار اراسىندا ءالى دە تانىمال. قىزدار اراسىندا ايشا مەن امينا ەسىمدەرى ءجيى قويىلاتىن ەسىمدەر قاتارىنان ون جىل بويى تۇسپەي كەلەدى.
2013-جىلدىڭ تانىمال 10 ەسىمى
ۇلدار اراسىندا ەراسىل، اليحان، سانجار، نۇراسىل، ميراس، ارتەم، نۇريسلام، امير، ارسەن، رامازان ەسىمدەرى تانىمالدىلىققا يە بولعان.
قىزدار اراسىندا ايزەرە، ايارۋ، كاۋسار، ءىنجۋ، ايشا، ارۋجان، اياۋلىم، امينا، ىڭكار، ديانا ەسىمدەرى ءجيى قويىلعان.
