قازاقستانداعى 1,5 مىڭنان استام گيدروتەحنيكالىق قۇرىلىستىڭ 300 گە جۋىعى قاۋىپتى – ت ج م

ТЖМ
فوتو: تەلەگرام. ونلاين/#@qr_tjm

توتەنشە جاعدايلار ءمينيسترى سىرىم ءشارىپحانوۆ ۇكىمەت وتىرىسىندا ەلدەگى 1,5 مىڭنان استام گيدروتەحنيكالىق قۇرىلىستىڭ 300 گە جۋىعى قاۋىپتى ەكەنىن ايتتى، دەپ حابارلايدى Kazinform.

«ەلدى مەكەندەردى سۋ باسۋ سەبەپتەرىنىڭ ءبىرى گيدروتەحنيكالىق قۇرىلىستاردىڭ ىقتيمال بۇزىلۋى بولىپ وتىر. قولدا بار 1,5 مىڭنان استام گيدروتەحنيكالىق قۇرىلىستىڭ 300 گە جۋىعى ىقتيمال قاۋىپ توندىرەدى. ولاردىڭ كوپشىلىگى حالىقتى جەرگىلىكتى قۇلاقتاندىرۋ جۇيەلەرىمەن جابدىقتالماعان. وسىعان بايلانىستى سۋ رەسۋرستارى جانە يرريگاتسيا مينيسترلىگى مەن اكىمدىكتەر گيدروتەحنيكالىق قۇرىلىستاردى جەرگىلىكتى قۇلاقتاندىرۋ جۇيەلەرىمەن جابدىقتاۋى قاجەت. سۋ تاسقىنىنا دايىن بولماۋ سالدارىنان سۋ باسۋ پروبلەماسى تۋىندايدى. اتاپ ايتقاندا، كولىك قوزعالىسىنىڭ ۇزىلۋىنە جانە جەكەلەگەن ەلدى مەكەندەردىڭ وقشاۋلانۋىنا اكەلەدى»، - دەدى سىرىم ءشارىپحانوۆ.

مينيستر 1-قاڭتاردا عانا قوستاناي جانە باتىس قازاقستان وبلىستارىنىڭ اۆتوجولدارىن سۋ شايىپ، كوشەلەردى سۋ باسۋدىڭ 2 فاكتىسى تىركەلگەنىن اتاپ ءوتتى.

«وسىعان بايلانىستى كولىك مينيسترلىگىنە اكىمدىكتەرمەن بىرلەسىپ اۆتوموبيل جولدارىن جوبالاۋ جانە جوندەۋ كەزىندە جاڭا جولداردى قۇرۋدى نەمەسە قولدانىستاعى سۋ وتكىزۋ قۇرىلىستارىنىڭ وتكىزۋ قابىلەتىن ارتتىرۋ قاجەت»، - دەدى ول.

سوڭعى جاڭالىقتار