21:14, 28 - مامىر 2025 | GMT +5
قازاقستاندا زەينەتاقى مەن جاردەماقىلار وسەدى مە - ەڭبەك ءمينيسترى جاۋاپ بەردى
استانا. قازاقپارات - قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا قازاقستاندىقتارعا زەينەتاقى مەن الەۋمەتتىك تولەمدەردىڭ قاشان وسەتىنى جونىندە سۇراققا جاۋاپ بەردى.
ءمينيستردىڭ ايتۋىنشا، قازىرگى ۋاقىتتا مەملەكەت وزىنە العان بارلىق الەۋمەتتىك مىندەتتەمەلەردى ورىنداپ وتىر.
«(ەكىنشى جارتىجىلدىقتا - رەد.) قوسىمشا ءوسىم بولمايدى. يندەكساتسيا جىلدىڭ باسىندا ءوتتى، 1-قاڭتاردان باستاپ بارلىق ازاماتتار ارتتىرىلعان مولشەردە تولەم الىپ جاتىر»، - دەدى جاقىپوۆا.
كەلەسى ءوسىم قاشان بولاتىنىن ءبىز ناقتىلاپ سۇرادىق.
«كەلەسى رەت تولەمدەر 2026-جىلى وسەدى. 2025-جىلدىڭ ەكىنشى جارتىسىندا ازىرگە ءوسىم قاراستىرىلىپ وتىرعان جوق»، - دەپ جاۋاپ بەردى مينيستر.
