قازاقستاندا زاڭدى تۇلعالاردى تىركەۋ ەرەجەلەرى وزگەرەدى

استانا. KAZINFORM - ادىلەت مينيسترلىگى زاڭدى تۇلعالاردى تىركەۋ تۋرالى مەملەكەتتىك قىزمەت قاعيدالارىنا تۇزەتۋلەر ەنگىزۋدى جوسپارلاپ وتىر. قۇجات جوباسى «اشىق ن ق ا» پورتالىندا جاريالاندى.

قۇجات جوباسىندا كوممەرتسيالىق ەمەس ۇيىمدارعا جاتاتىن زاڭدى تۇلعالاردى مەملەكەتتىك تىركەۋدى جانە ولاردىڭ فيليالدارى مەن وكىلدىكتەرىن ەسەپكە الۋدى ادىلەت مينيسترلىگىنىڭ تىركەۋ قىزمەتى جانە زاڭ قىزمەتتەرىن ۇيىمداستىرۋ كوميتەتى مەن اۋماقتىق ادىلەت ورگاندارى جۇزەگە اسىراتىنى ايتىلعان.

سونىمەن قاتار اتالعان كوميتەت رەسپۋبليكالىق جانە وڭىرلىك مارتەبەسى بار قوعامدىق جانە ءدىني بىرلەستىكتەردى، ونىڭ ىشىندە ساياسي پارتيالاردى، رەسپۋبليكالىق نوتارياتتىق پالاتانى، رەسپۋبليكالىق ادۆوكاتتار القاسىن، رەسپۋبليكالىق جەكە سوت ورىنداۋشىلارى پالاتاسىن، ۇلتتىق كاسىپكەرلەر پالاتاسىن، سوت ساراپشىلارى پالاتاسىن، قازاقستاننىڭ تورەلىك پالاتالارىن، رەسپۋبليكالىق زاڭ كونسۋلتانتتارى القاسىن تىركەيدى.

ودان بولەك، شەتەلدىك جانە حالىقارالىق كوممەرتسيالىق ەمەس، ۇكىمەتتىك ەمەس بىرلەستىكتەردىڭ وكىلدىكتەرىن ەسەپكە الادى.

قۇجات جوباسىنداعى تاعى ءبىر جاڭاشىلدىق زاڭدى تۇلعانى تىركەۋ، سونداي-اق فيليالدى (وكىلدىكتى) ەسەپكە قويۋ «ەلەكتروندىق ۇكىمەتتىڭ» ۆەب- پورتالىمەن قاتار ەكىنشى دەڭگەيدەگى بانكتەردى اقپاراتتاندىرۋ وبەكتىلەرى ارقىلى دا ەلەكتروندىق ءوتىنىش بەرۋ مۇمكىندىگى قارالعان.

قۇجات جوباسى 2024 -جىلعى 9 - جەلتوقسانعا دەيىن قوعامدىق تالقىلاۋعا ۇسىنىلدى.