قازاقستاندا گيپەر اۋقىمداعى دەرەكتەر وڭدەپ، ساقتايتىن ورتالىقتار سالىنادى

 2027-جىلى قازاقستاندا گيپەر اۋقىمداعى دەرەكتەر وڭدەپ، ساقتايتىن ورتالىقتار سالىنادى.

سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ رەداكسيا ساۋالىنا جولداعان جاۋابىندا وسىنداي مالىمەت كەلتىرىلگەن، دەپ حابارلايدى Kazinform.

«سونداي- اق دەرەكتەردى وڭدەۋ جانە «بۇلتتى تەحنولوگيالار» نارىعىن دامىتۋ ءۇشىن «قولجەتىمدى ينتەرنەت» ۇلتتىق جوباسىنىڭ اياسىندا 2027 -جىلعا دەيىن 3 گيپەر اۋقىمداعى (1000 سەرۆەر جاشىگى سياتىن) ورتالىق سالۋ جوسپارلانعان. ول ورتالىقتار حالىقارالىق نارىقتىڭ سۇرانىسىن قاناعاتتاندىرۋ ءۇشىن ترانزيت دەرەكتەرىن وڭدەپ، ساقتايدى. ونىڭ ىشىندە ەۋروپا مەن شىعىس ازيا اراسىنداعى ترافيك دەرەكتەرى دە بار»، - دەلىنگەن جاۋاپتا.

ۆەدومستۆونىڭ مالىمەتىنشە، «ۇلتتىق اقپاراتتىق تەحنولوگيالار» اكسيونەرلىك قوعامى Amazon Web Services كومپانياسىمەن وسى باعىتتا جۇمىس ىستەپ جاتىر. ەكى تاراپ ءتيىستى مەموراندۋمعا قول قويعان.

وسى ارىپتەستىك اياسىندا قازاقستان تارابىنىڭ ماماندارى Amazon Web Services كومپانياسىنىڭ ەۋروپاداعى كەڭسەسىنە بارىپ، Outposts تەحنولوگياسىمەن تانىسىپ قايتقان. قازىر قازاقستاندىق ماماندار جوبانىڭ تەحنيكالىق ءمان- جايىن جانە باعا بەلگىلەۋ تەتىكتەرىن زەرتتەپ جاتىر.