قازاقستاندا ينكليۋزيا بويىنشا العاشقى بۇكىل الەمدىك كونگرەسس وتەدى
استانا. KAZINFORM - بۇل جاڭالىق لوندوندا وتكەن ءبىلىم سالاسىنداعى ەڭ اۋقىمدى شارا - Bett Show الاڭىندا جاريالاندى، دەپ حابارلايدى وقۋ- اعارتۋ مينيسترلىگىنىڭ باسپا ءسوز قىزمەتى.

بۇكىل الەمدىك كونگرەسس ينكليۋزيا سالاسى بويىنشا ۇكىمەتتىڭ، پەداگوگتەردىڭ، تەحنولوگيالىق كومپانيالاردىڭ، ساراپشىلار مەن مامانداردىڭ باسىن قوساتىن بىرەگەي جاھاندىق پلاتفورما بولماق. ونىڭ باستى ماقساتى - زاماناۋي جەتىستىكتەردى تالقىلاۋ، ۇزدىك تاجىريبەلەرمەن ءبولىسۋ جانە ينكليۋزيالىق ءبىلىم بەرۋدى دامىتۋ.
كونگرەسستىڭ كەلەسى نەگىزگى ەرەكشەلىكتەرىن اتاپ وتۋگە بولادى:
• پراكتيكالىق ىسكە اسىرۋعا باسىمدىق بەرۋ؛
• ءۇشجاقتى ءتاسىل (پەداگوگيكالىق يننوۆاتسيالار، تەحنولوگيالىق جەتىستىكتەر، كورپوراتيۆتىك ىنتىماقتاستىق)؛
• جاساندى ينتەللەكت پەن زاماناۋي تەحنولوگيالاردى قولدانۋعا ەرەكشە نازار اۋدارۋ.
- كونگرەسس ينكليۋزيۆتى ءبىلىم بەرۋ سالاسىنداعى العاشقى حالىقارالىق باستاما بولادى. بۇل بەدەلدى حالىقارالىق شارانى قازاقستاندا وتكىزۋ - ءبىزدىڭ ادىلەتتى جانە ينكليۋزيۆتى قوعام قۇرۋعا دەگەن ۇمتىلىسىمىزدى كورسەتەدى، سونداي- اق ءبىلىم بەرۋ رەفورمالارى مەن تەحنولوگيالىق يننوۆاتسيالارداعى جەتىستىكتەرىن ايقىندايدى. وعان حالىقارالىق كورپوراتيۆتىك كوشباسشىلاردىڭ قاتىسۋى ستراتەگيالىق مۇمكىندىكتەرگە جول اشىپ، قازاقستانعا الەمنىڭ نازارىن اۋدارىپ قانا قويماي، ينۆەستيتسيالار تارتۋعا ىقپال ەتەدى، - دەپ اتاپ ءوتتى ق ر وقۋ- اعارتۋ مينيسترلىگىنىڭ ينكليۋزيۆتى جانە ارنايى ءبىلىم بەرۋ دەپارتامەنتىنىڭ ديرەكتورى لاۋرا بۋتابايەۆا.
ايتا كەتەيىك، 2024 -جىلى ەلىمىزدە ەرەكشە ءبىلىم بەرۋ قاجەتتىلىكتەرى بار بالالار سانى 230 مىڭنان استى. ەلدەگى مەكتەپتەردىڭ %90 دا ينكليۋزيۆتى ءبىلىم بەرۋگە جاعداي جاسالعان، ال ارنايى پسيحولوگيالىق- پەداگوگيكالىق قولداۋمەن قامتىلعان بالالاردىڭ ۇلەسى %80 دى قۇرايدى.
بۇعان دەيىن قازاقستاندا ينكليۋزيا سالاسىندا ساراپشىلار دايىندايتىن ورتالىق اشىلعانىن جازعان ەدىك.