قازاقستاندا ۇيالى بايلانىس تاريفتەرى ارزانداي ما

 ұялы байланыс
Фото: pixabay

قازاقتاندا ۇيالى بايلانىس تاريفتەرى ارزاندامايدى. ۇيالى بايلانىس وپەراتورلارى ونىڭ سەبەبىن ءتۇسىندىردى.

وتكەن جىلدىڭ سوڭىندا ابونەنتتەردىڭ باعانى كوتەرۋگە قاتىستى كوپتەگەن شاعىمىنان كەيىن باسەكەلەستىكتى قورعاۋ جانە دامىتۋ اگەنتتىگى قازاقستانداعى ۇيالى بايلانىس وپەراتورلارىنا قاتىستى تەرگەۋدى باستاعان بولاتىن. سودان كەيىن تاريفتىك جوسپارلار مەن ۇيالى بايلانىس قىزمەتتەرى باعاسىنىڭ وزگەرۋ ديناميكاسىنا تالداۋ جۇرگىزىلگەن ەدى.

«2023-جىلى ۇيالى بايلانىس وپەراتورلارىنىڭ تاريفتىك جوسپارلارى بويىنشا باعا 7,7 پايىزدان 57,3 پايىزعا وسكەنى بايقالدى. ۇيالى بايلانىس وپەراتورلارىنا باعانى نەگىزدى تومەندەتۋ جولىمەن انىقتالعان بەلگىلەردىڭ توقتاتىلعانى تۋرالى حابارلاما جىبەرىلدى. ۇيالى وپەراتورلار حابارلامانى بەلگىلەنگەن مەرزىمدە ورىنداماعان جاعدايدا اگەنتتىك تەرگەۋ جۇرگىزۋ تۋرالى شەشىم شىعارادى»، - دەلىنگەن اگەنتتىكتىڭ رەسمي حابارلاماسىندا.

وسىعان وراي ۇيالى بايلانىس وپەراتورلارى تاريفتىك جوسپارلاردىڭ باعاسىن تومەندەتە مە؟

«موبايل تەلەكوم-سەرۆيس» باسپا ءسوز قىزمەتىندەگىلەر تاريفتەر قىمباتتاۋى وبەكتيۆ فاكتورلارعا نەگىزدەلگەنىن ايتادى. ولاردىڭ سوزىنشە، قازىرگى ۋاقىتتا باعانى تومەندەتۋگە نەگىز جوق.

كومپانيا وكىلدەرى 5G- گە كوشۋ ايتارلىقتاي ينۆەستيتسيالاردى قاجەت ەتەتىنىن ايتتى. سونداي-اق، قولدانىستاعى جابدىقتى ۇستاۋعا كەتەتىن شىعىندار ۇنەمى قىمباتتاپ جاتقانىن اتاپ ءوتتى.

كومپانيانىڭ باسپا ءسوز قىزمەتى تاريفتەردىڭ كوتەرىلۋىنە اسەر ەتكەن سەبەپتەردى ءتىزىپ بەردى. سونداي-اق، ولار قازاقستانداعى ۇيالى بايلانىس سالاسىنىڭ «تيىمدىلىگى تومەن، سوندىقتان تاريفتەردى تومەندەتۋگە مۇمكىندىك جوق» دەپ قوستى.

كومپانيا وكىلدەرى سوڭعى 3 جىلدا قازاقستاندا تۇتىنۋ ترافيگى ايتارلىقتاي وسكەنىن جانە بۇل قوماقتى ينۆەستيتسيانى قاجەت ەتەتىنىن ايتتى. سونداي-اق، ولار ناقتى سانداردى اتادى:

«كسەلل» ا ق Tengrinews- تىڭ تەلەكوممۋنيكاتسيا قىزمەتتەرى باعاسىنىڭ ىقتيمال تومەندەۋىنە قاتىستى ساۋالىنا قازاقستاندا كەيىنگى 3 جىلدا ابونەنتتەر تاراپىنان ترافيكتىڭ ءوسۋى 60 پايىزعا (59,3 پايىز) وسكەنىن حابارلايدى، بۇل بايلانىس وپەراتورلارىنان جەلىنى دامىتۋعا جانە كەڭەيتۋگە، تۇراقتى جانە ساپالى جۇمىسقا ەلەۋلى ينۆەستيتسيالاردى تالاپ ەتەدى. تەك 2020-2023-جىلدار ارالىعىندا كومپانيا وسى ماقساتتارعا 184,4 ميلليارد تەڭگە باعىتتادى جانە 2028-جىلعا دەيىن ينفراقۇرىلىمعا ينۆەستيتسيالار كولەمىن ۇلعايتۋ جوسپارلانعان»، - دەلىنگەن جاۋاپتا.

سونىمەن قاتار، ۆاليۋتا باعامىنىڭ تۇراقسىزدىعى جابدىق پەن باعدارلامالىق قامتاماسىز ەتۋ قۇنىنىڭ وسۋىنە اكەلگەنى ايتىلدى:

«بۇل رەتتە ينفلياتسيانىڭ قۇبىلمالىلىعى (30,4 پايىز - 3 جىل ىشىندە جيناقتالعان دەڭگەي) جانە ايىرباس باعامىنىڭ تۇراقسىزدىعى (دوللار - 20,8 پايىز، ەۋرو - 15,04 پايىز - 3 جىل ىشىندە تەڭگەگە قاتىستى شەتەل ۆاليۋتالارىنىڭ جيناقتالعان ءوسىمى) ابونەنتتەرگە قىزمەت كورسەتۋ جانە بايلانىس قىزمەتتەرىنىڭ ساپاسىن قولداۋ جانە جاقسارتۋ ءۇشىن قاجەتتى تەلەكوممۋنيكاتسيالىق جابدىقتار مەن باعدارلامالىق قامتاماسىز ەتۋ قۇنىن ارتتىردى جانە سايكەسىنشە كومپانيانىڭ شىعىندارىنا اسەر ەتتى.

كومپانيا وكىلدەرى بۇل فاكتورلاردىڭ بارلىعى تاريفتەردىڭ وسۋىنە اسەر ەتەتىنىن جانە باعانى تومەندەتۋگە مۇمكىندىك بەرمەيتىنىن حابارلايدى:

«جوعارىدا ايتىلعانداردى ەسكەرە وتىرىپ، كومپانيا تاريفتەردى تومەندەتۋ جاعىنا قاراي تۇزەتۋدىڭ العىشارتتارى مەن وبەكتيۆ سەبەپتەرى جوق دەپ سانايدى. سونىمەن قاتار، ق ر- داعى ۇيالى بايلانىس قىزمەتتەرى سەكتورى رەنتابەلدىلىگى تومەن بولىپ تابىلادى، بۇعان سوڭعى جىلدارى Turkcell جانە Telia Company سياقتى حالىقارالىق كومپانيالاردىڭ وتاندىق نارىقتان كەتۋى دالەل بولا الادى»، - دەلىنگەن جاۋاپتا.

Beeline كومپانيا وكىلدەرى دە ءوز جاۋابىندا تاريفتەردىڭ كوتەرىلۋىنە اسەر ەتكەن سەبەپتەردى اتادى. ولار باعا بەلگىلەۋدى تەجەۋ ​​مۇمكىن ەمەس، ويتكەنى بۇل بايلانىس ساپاسىنا تەرىس اسەر ەتەتىنىن قوستى.

باعانىڭ وسۋىنە اكەلگەن سەبەپتەر قاتارىندا: ەلەكتر ەنەرگياسى قۇنىنىڭ وزگەرۋى، ينفلياتسيا، ينتەرنەتتى تۇتىنۋدىڭ ءوسۋى. سونداي-اق، ۇيالى بايلانىس جەلىسىنىڭ كەڭەيۋىنە بايلانىستى كومپانيا شىعىندارىنىڭ ءوسۋى:

«نەگە تاريفتەردىڭ قۇنى وزگەرىسسىز قالمايدى؟ كەز كەلگەن تاۋاردا نەمەسە قىزمەتتە باعاعا اسەر ەتەتىن ءبىرقاتار فاكتورلار بار جانە تەلەكوممۋنيكاتسيا سالاسىندا دا. ەلەكتر ەنەرگياسىنىڭ قۇنى، ينفلياتسيا، ديەۆالۆاتسيا، ينتەرنەتتى تۇتىنۋدىڭ ءوسۋى - مۇنداي فاكتورلاردىڭ تولىق ەمەس ءتىزىمى. سونىمەن قاتار، كومپانيا ءموبيلدى جەلىنى دامىتۋعا جانە كەڭەيتۋگە ۇزدىكسىز ينۆەستيتسيا سالادى. تەك سوڭعى ءۇش جىلدا كومپانيانىڭ كۇردەلى شىعىستارى 220 ميلليارد تەڭگە بولدى. 2023-جىلى شىعىندار 2021-جىلمەن سالىستىرعاندا 37 پايىزعا ءوستى»، - دەلىنگەن باسپا ءسوز حابارلاماسىندا.

سونداي-اق، كومپانيا وكىلدەرى «ەگەر باعا بەلگىلەۋ ۇستامدى بولسا، سالا ينۆەستيتسيا تاپشىلىعىنا تاپ بولادى جانە بۇل كوممۋنيكاتسيا ساپاسىنا اسەر ەتەدى. مىسالى، ەنەرگەتيكا نەمەسە جانار-جاعارماي ونەركاسىبىندەگىدەي» دەپ اتاپ ءوتتى.

ولار جاڭا باعالارعا قاناعاتتانباعان ابونەنتتەرگە وزدەرىنە قولايلى تاريفتەردى تاڭداۋدى ۇسىندى:

«ءوزىڭىزدىڭ تۇتىنۋ جاعدايىڭىزعا جاقسىراق سايكەس كەلەتىن ءتاريفتى تاڭداي الاسىز. مىسالى، از ينتەرنەت-ترافيكپەن نەمەسە مۇلدە ونسىز. سىزگە ۇنەمدەۋگە مۇمكىندىك بەرەتىن پاكەتتىك ۇسىنىستار بار. مىسالى، بۇكىل وتباسى ءۇشىن ءبىر تاريفتىك جوسپار»، - دەلىنگەن كومپانيانىڭ رەسمي جاۋابى.

Tengrinews.kz

سوڭعى جاڭالىقتار