قازاقستاندا پويىزبەن قانداي كۋرورتتىق ايماقتارعا بارۋعا بولادى؟
جازعى دەمالىس كەزىندە جولاۋشىلار پويىزبەن الاكول، بالقاش كولدەرى، كاسپي تەڭىزى، سونداي-اق، استانا، الماتى، تۇركىستان، شىمكەنت قالالارى جانە بۋراباي كۋرورتتىق ايماقتارىنا ءجيى قاتىنايدى.
ق ت ج باسپا ءسوز قىزمەتى مالىمەتىنشە، تانىمال تۋريستىك باعىتتاردىڭ ءبىرى سانالاتىن الاكول كولىنە بيىل استانا، الماتى، شىعىس قازاقستان جانە اباي وبلىستارىنان، سونداي- اق، العاش رەت قىزىلوردان 12 باعىت بويىنشا پويىز قاتىنايدى. ون باعىت بويىنشا "جولاۋشىلار تاسىمالى" ا ق پويىزدارى، ەكى باعىت بويىنشا جەكە تاسىمالداۋشىلار قۇرامى جۇرەدى. پويىزداردا ۇسىنىلعان ورىنداردىڭ سانى بىلتىرمەن سالىستىرعاندا 16 مىڭعا ءوسىپ، تۋريستىك ماۋسىمدا جولاۋشىلاردىڭ ىڭعايلىلىعىن قامتاماسىز ەتۋ ءۇشىن 270 مىڭ ورىن بولعان.
بالقاش كولىنە جەتۋ ءۇشىن 7 ءتۇرلى باعىت بويىنشا پويىزدار قاتىنايدى. سونداي- اق، بۋراباي كۋرورتىنا دا ىڭعايلى مارشرۋتتاردى تاڭداۋعا بولادى، وندا پويىزدار 14 باعىت بويىنشا جۇرەدى. تۇركىستانعا پويىزدار 16 باعىت بويىنشا قاتىنايدى. اقتاۋعا پويىزدار 6 باعىت بويىنشا جۇرەدى، سونىڭ ىشىندە ماڭعىستاۋ- سەمەي باعىتى ەڭ ۇزىن مارشرۋت بولىپ ەسەپتەلەدى. №37 جولاۋشىلار پويىزى قازاقستاننىڭ باتىسى مەن شىعىسىن بايلانىستىرادى. پويىز جولدا 128 ساعات ءجۇرىپ، 50 ستانتسيا مەن 3,2 مىڭ قاشىقتى ەڭسەرەدى.
الماتى، استانا، شىمكەنت
استانا قالاسىنا 37 مارشرۋت باعىتتالعان. بۇل ەلىمىزدە ەڭ كوپ تەمىرجول مارشرۋتتارى بولىپ سانالادى. اي سايىن بۇل مارشرۋتپەن 1 ميلليون جولاۋشى، ونىڭ ىشىندە جەرگىلىكتى تۇرعىندار مەن قالا قوناقتارى تاسىمالدانادى.
"وڭتۇستىك قالالارعا الماتىعا 29 باعىت جانە شىمكەنتكە 20 باعىت بويىنشا پويىزدار جۇرەدى. جازعى كەزەڭدە ۇلتتىق تاسىمالداۋشىنىڭ پويىزدارىمەن 4,2 ميلليوننان اسا جولاۋشىنى تاسىمالداۋ جوسپارلانىپ وتىر. تەمىرجول بيلەتتەرىنىڭ باعاسى قاشىققا جانە ۆاگونداردىڭ كلاسىنا بايلانىستى ەسەپتەلەدى. ماسەلەن، ەڭ تانىمال باعىتتاردىڭ ءبىرى №204/203 شىمكەنت - استانا پويىزىنا بيلەت باعاسى پلاتسكارتقا 10421 تەڭگە، كۋپەگە ءۇشىن 15824 تەڭگە. قالا ماڭى باعىتىنداعى №7507/7508 استانا - بۋراباي كۋرورتىنا بيلەت باعاسى ءبىر ورىنعا 2307 تەڭگە بولادى. قوسىمشا جولاۋشىلارعا پويىزدان پويىزعا اۋىسا وتىرىپ، قاجەت قالاعا جەتۋگە مۇمكىندىك بەرەتىن "ساپاردا اۋىسىپ وتىرۋ" قىزمەتى دە ۇسىنىلادى. ۇلتتىق تاسىمالداۋشى جولاۋشىلاردان ساپارلارىن الدىن الا جوسپارلاپ، بيلەتتەردى ەرتەرەك ساتىپ الۋدى سۇرايدى. بيلەتتەر بولماعان جاعدايدا جولاۋشىلار بيلەتتەردى ساتۋ سايتىندا نەمەسە "جولاۋشىلار تاسىمالى" ا ق كاسسالارىندا "كۇتۋ پاراعى" تەگىن قىزمەتىن پايدالانا الادى"، - دەپ جازىلعان حابارلامادا.
Massaget.kz
