قازاقستاندا وتكەن اپتادا بولعان كادرلىق تاعايىنداۋلار

استانا. KAZINFORM - ەلىمىزدە وتكەن اپتادا ءبىرقاتار كادرلىق اۋىس-ءتۇيىس بولدى. 6-مامىردا جاسلان ماديەۆ سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى لاۋازىمىنا تاعايىندالدى.

«مەملەكەت باسشىسىنىڭ جارلىعىمەن جاسلان حاسەن ۇلى ماديەۆ قازاقستان رەسپۋبليكاسىنىڭ سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى لاۋازىمىنا تاعايىندالدى»، - دەپ حابارلادى اقوردانىڭ باسپا ءسوز قىزمەتى.

جاسلان ماديەۆ 1983 -جىلى الماتى قالاسىندا دۇنيەگە كەلگەن.

ءال-فارابي اتىنداعى قازاق ۇلتتىق ۋنيۆەرسيتەتىن، كولۋمبيا ۋنيۆەرسيتەتىن، ماسساچۋسەتس تەحنولوگيالىق ينستيتۋتىن ءتامامداعان.

ەڭبەك جولىن 2004 -جىلى «اليانس بانك» ا ق حالىقارالىق قاتىناستار دەپارتامەنتىنىڭ حالىقارالىق قارجى ينستيتۋتتارىمەن جۇمىس باسقارماسىنىڭ مامانى بولىپ باستاعان.

2007-2008 -جىلدارى - «قازىنا» تۇراقتى دامۋ قورى» ا ق كورپوراتيۆتىك قارجىلاندىرۋ دەپارتامەنتىنىڭ باس مەنەدجەرى.

2008 -جىلى قازاقستان رەسپۋبليكاسى پرەزيدەنتى اكىمشىلىگىنىڭ ستراتەگيالىق تالداۋ جانە زەرتتەۋلەر ورتالىعىندا، «سامۇرىق-قازىنا» ۇلتتىق ءال-اۋقات قورى» ا ق-دا جۇمىس ىستەدى.

2009-2010 -جىلدارى - «KAZYNA CAPITAL MANAGEMENT» ا ق باسقارما ءتوراعاسىنىڭ ورىنباسارى.

2010-2014 -جىلدارى - «قازاقستاننىڭ دامۋ بانكى» ا ق باسقارۋشى ديرەكتورى- مۇشەسى، باسقارما ءتوراعاسىنىڭ ورىنباسارى.

2014-2015 -جىلدارى ق ر ۇلتتىق بانكىنىڭ قۇرىلىمىندا باسشىلىق لاۋازىمداردى اتقاردى.

2017-2018 -جىلدارى - «قازاقستان تەمىر جولى» ۇلتتىق كومپانياسى» ا ق ۆيتسە-پرەزيدەنتىنىڭ مىندەتىن اتقارۋشى، قارجى جونىندەگى ۆيتسە-پرەزيدەنتى.

2018 -جىلى «قازاقستان تەمىر جولى» ۇلتتىق كومپانياسى» ا ق قارجى جونىندەگى باسقارما ءتوراعاسى بولىپ تاعايىندالدى.

2019-2020 -جىلدارى - قازاقستان رەسپۋبليكاسىنىڭ ۇلتتىق ەكونوميكا ۆيتسە-ءمينيسترى.

2020 -جىلعى قازاننان باستاپ 2022 -جىلدىڭ قاڭتارىنا دەيىن قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار جونىندەگى اگەنتتىگى ءتوراعاسىنىڭ ورىنباسارى قىزمەتىن اتقاردى.

10-مامىردا جاڭادان قۇرىلعان الاتاۋ قالاسىنىڭ اكىم قىزمەتىنە اركەن وتەنوۆ تاعايىندالدى.

اركەن وتەنوۆ 1983 -جىلى 15-قاراشادا الماتى قالاسىندا دۇنيەگە كەلگەن. ول ءال-فارابي اتىنداعى قازاق ۇلتتىق ۋنيۆەرسيتەتى جانە كارنەگي مەللون ۋنيۆەرسيتەتىندە (بولاشاق باعدارلاماسىنىڭ تۇلەگى، 2010 -جىل) ءبىلىم العان.

حالىقارالىق قاتىناستار مامانى، ەكونوميست جانە مەملەكەتتىك ساياسات سالاسىنداعى عىلىم ماگيسترى، پرەزيدەنتتىڭ جاس تالانتتار پۋلىنىڭ مۇشەسى.

اركەن وتەنوۆ ەلىمىزدىڭ بانك سەكتورىندا، سونداي-اق مەملەكەتتىك ورگانداردا ءتۇرلى لاۋازىمداردا، سونىڭ ىشىندە قازاقستان رەسپۋبليكاسى پرەزيدەنتىنىڭ اكىمشىلىگى مەن قازاقستان رەسپۋبليكاسى قارجى مينيسترلىگىندە، سىرتقى ىستەر مينيسترلىگىندە جۇمىس اتقارعان.

جۇما كۇنى قانداسىمىز مۇقيات جارمۇقامەت ۇلى شىڭجاڭ-ۇيعىر اۆتونوميالىق اۋدانى حالىق ۇكىمەتى ءتوراعاسىنىڭ ورىنباسارى قىزمەتىنە تاعايىندالدى.

تيان-شان پورتالىنىڭ حابارلاۋىنشا، 8-مامىر كۇنى ۇرىمجىدە شىڭجاڭ-ۇيعىر اۆتونوميالىق اۋدانىنىڭ XIV حالىق وكىلدەرى جينالىسى تۇراقتى كوميتەتىنىڭ X ءماجىلىسى وتكەن. داۋىس بەرۋدەن كەيىن مۇقيات جارمۇقامەت ۇلىن شىڭجاڭ- ۇيعىر اۆتونوميالىق اۋدانى حالىق ۇكىمەتىنىڭ ءتوراعاسىنىڭ ورىنباسارى لاۋازىمىنا تاعايىنداۋ تۋرالى شەشىم قابىلداندى. ارتىنشا كونستيتۋتسيالىق انت قابىلداۋ ءراسىمى ءوتتى.

ايتا كەتەيىك، مۇقيات جارمۇقامەت ۇلى 1967 -جىلى ق ح ر التاي ايماعىنىڭ جەمەنەي اۋدانىندا تۋعان. ورتالىق پارتيا مەكتەبىندە وقىعان. وسىعان دەيىن ش ۇ ا ا حالىق وكىلدەرى جينالىسى تۇراقتى كوميتەت باسشىسىنىڭ ورىنباسارى جانە ش ۇ ا ا كاسىپوداقتار فەدەراتسياسىنىڭ ءتوراعاسى، بۇكىل قىتايلىق كاسىپوداقتار فەدەراتسياسى ءتوراعاسىنىڭ ورىنباسارى قىزمەتتەرىن اتقارعان.

سونداي-اق 10-مامىر كۇنى اقمولا وبلىسى تابيعي رەسۋرستار جانە تابيعاتى پايدالانۋدى رەتتەۋ باسقارماسىنىڭ باسشىسى تاعايىندالدى.

جاڭادان تاعايىندالعان باسقارما باسشىسى جانەت قانات ۇلى 1987 -جىلى اقمولا وبلىسى ءبىرجان سال اۋدانىندا تۋعان، ءبىلىمى جوعارى، ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتىن، فرانسيا رەسپۋبليكاسىنىڭ لوتارينگيا ۋنيۆەرسيتەتىن، ل. ب. گونچاروۆ اتىنداعى قازاق اۆتوموبيل- جول ينستيتۋتىن بىتىرگەن. ق ر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ تۇلەگى.

ەڭبەك جولىن 2012 -جىلى استانا قالاسىنىڭ «قاز ق س ع ز ج ي» ر م ك مامانى بولىپ باستاعان.

تاعايىندالعانعا دەيىن استانا قالاسى ق ر ونەركاسىپ جانە قۇرىلىس مينيسترلىگىنىڭ قالا قۇرىلىسى جانە تۇرعىن ءۇي- كوممۋنالدىق ساياسات دەپارتامەنتى ديرەكتورىنىڭ ورىنباسارى قىزمەتىن اتقاردى.

11-مامىردا مەملەكەت باسشىسىنىڭ وكىمىمەن كونستانتين ۆاديموۆيچ كانسەروۆ قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى لاۋازىمىنا تاعايىندالدى.

اۆتور

داۋلەت ىزتىلەۋ