قازاقستاندا ورتاشا جالاقى قانشا تەڭگە

жалақы
فوتو: Kazinform

استانا. قازاقپارات - 2024 -جىلعى I توقسانداعى رەسپۋبليكا بويىنشا جالاقىنىڭ ورتاشا ءمانى — 382279 تەڭگەنى قۇرادى.

ۇلتتىق ستاتيستيكا بيۋروسىنىڭ مالىمەتىنشە، 2023 -جىلدىڭ ءتيىستى توقسانىنا قاراعاندا ءوسىم: اتاۋلى ماندە - %12,3 ناقتى ماندە - %2,7 جالاقىنىڭ مەديانالىق ءمانى (جالاقى قاتارىنىڭ ورتالىق دەڭگەيى) باعالاۋ بويىنشا - 251997 تەڭگەنى قۇرادى.

ال، وڭىرلەردە 2023 -جىلدىڭ ءتيىستى توقسانىمەن سالىستىرعاندا 2024 -جىلدىڭ I توقسانىندا ورتاشا ايلىق اتاۋلى جالاقىنىڭ ەڭ كوپ ءوسىمى باتىس قازاقستان وبلىسىندا - %18,2 عا، الماتى قالاسىندا - %16,4 عا، اقتوبە وبلىسىندا - %16,1 عا، پاۆلودار وبلىسىندا - %15,9 بايقالعان.

«جالاقىنىڭ ورتاشا مولشەرى ءبىر قىزمەتكەردىڭ جالاقىسىنىڭ قوسىمشا اقىلارىنىڭ، ۇستەمەاقىلارىنىڭ، سىياقىلارىنىڭ، سالىقتارىنىڭ جانە زەينەتاقى اۋدارىمدارىنىڭ بارلىق تۇرلەرىن ەسكەرە وتىرىپ كورسەتىلەدى. ول جالاقى قورىنىڭ سوماسىن كاسىپورىندارداعى قىزمەتكەرلەردىڭ ناقتى سانىنا ءبولۋ ارقىلى ەسەپتەلەدى»، - دەپ ەسكەرتەدى ۇلتتىق ستاتيستيكا بيۋروسى.

بۇعان دەيىن حابارلاعانىمىزداي، قازاقستاندا ەر مەن ايەل اراسىنداعى جالاقى ايىرماشىلىعى كوپ ەلدەردەن جوعارى.

اۆتور
باقىتگۇل اباي قىزى

سوڭعى جاڭالىقتار