قازاقستاندا ورگان ترانسپلانتاتسياسىن قاجەت ەتەتىندەر جيىلەگەن

Шифокорлар
Фото: Милтиқбай Рисмахановнинг шахсий архивидан

  استانا. KAZINFORM - «قازاقستان حالقىنا» ق ق باسقارما ءتوراعاسى بولات جامىشيەۆ ەلىمىزدە 4 مىڭ ادامعا ورگان ترانسپلانتاتسياسى قاجەت ەكەنىن ايتتى.

«س. د. اسفەندياروۆ اتىنداعى قازۇمۋ ۋنيۆەرسيتەتتىك كلينيكاسىندا 2023 -جىلدىڭ مامىرىنان جەلتوقسانىنا دەيىن كوزدىڭ ءمولدىر قابىعىن ترانسپلانتاتسيالاۋ بويىنشا 93 وتا جاسالدى»، - دەدى ب. جامىشيەۆ ورتالىق كوممۋنيكاتسيالار قىزمەتىندەگى دوڭگەلەك ۇستەل وتىرىسىندا.

قور مالىمەتىنە قاراعاندا، اتالعان ءمولدىر قابىقتى اۋىستىرۋدى قاجەت ەتەتىن 304 پاتسيەنت ترانسپلانتاتسيا ارقىلى كورۋ قابىلەتىن قالپىنا كەلتىرە الادى. قازاقستاندا دونورلىق ماتەريالدىڭ جەتكىلىكسىزدىگىنە بايلانىستى ونى اقش- تان تاسىمالداۋ جۇزەگە اسىرىلادى. جوبانىڭ بيۋدجەتى - 374 ميلليون تەڭگە.

«جالپى، دارىگەرلەر قوردان اقشا قاجەت ەمەس ەكەنىن ايتىپ وتىر. ياعني قايتىس بولعان ادامداردىڭ ورگاندارىن دونورلىق ماقساتتا الۋ ءۇشىن ەلىمىزدە زاڭدى وزگەرتۋ كەرەك دەيدى. جاقىندا دەنساۋلىق ساقتاۋ مينيسترلىگىنىڭ باستاماسىمەن ءتيىستى كونفەرەنتسيا وتكىزدىك. مينيسترلىكپەن بىرگە ءبىز ۇكىمەتتى دە، قوعامدى دا ترانسپلانتاتسيا جانە دونورلىق تۋرالى زاڭدى وزگەرتۋگە شاقىرۋ ماقساتىندا وسى كونفەرەنتسياعا قاتىستىق. ويتكەنى ءبىزدىڭ ەلىمىز بۇل جاعىنان رەيتينگتىڭ ەڭ تومەنگى ساتىسىنا ءتۇسىپ كەتتى، ياعني 4 مىڭ ادامعا ورگان ترانسپلانتاتسياسى قاجەت»، - دەدى ب. جامىشيەۆ.

سوڭعى جاڭالىقتار