قازاقستاندا ولىمنەن كەيىنگى اعزا دونورلىعى مىندەتتى بولا ما - مينيسترلىك جاۋابى

Донор
فوتو: Pexels

استانا. KAZINFORM - ق ر دەنساۋلىق ساقتاۋ ءمينيسترى اقمارال ءالنازاروۆا ەلىمىزدە ولىمنەن كەيىنگى مىندەتتى دونورلىقتى ەنگىزۋ مۇمكىندىگىنە قاتىستى پىكىر ءبىلدىردى، دەپ حابارلايدى Kazinfom ءتىلشىسى.

«جالپى، قازاقستاندا زاڭ دەڭگەيىندە ادام قايتىس بولعاننان كەيىنگى دونورلىق تارتىبىنە قاتىستى جۇمىس رەتتەلگەن. دەگەنمەن، بۇل سالادا جەتىلدىرەتىن تۇستارى بار شىعار، ءبىراق ول تەك زاڭنامالىق بازاعا بايلانىستى ەمەس. بۇل جەردە حالىقتىڭ دەنساۋلىق ساقتاۋ جۇيەسىنە دەگەن سەنىمى وتە ۇلكەن ماسەلە. اتاپ ايتقاندا، وسى سالاداعى ماسەلەلەردى ەگجەي-تەگجەيلى پىسىقتايمىز»، - دەدى ا. ءالنازاروۆا سەناتتا تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، اعزا دونورلىعىن دامىتۋ جۇمىسى كەزەڭ-كەزەڭىمەن جۇرگىزىلۋى كەرەك.

«مەنىڭ ويىمشا، حالىقتىڭ ءوزى بۇعان دايىن بولۋى كەرەك. بىرىنشىدەن، مۇنى ءماجبۇرلى تۇردە جاساۋعا بولمايدى. بىزدەگى زاڭناما اعزا دونورلىعىن دۇرىس ۇيىمداستىرۋعا مۇمكىندىك بەرەدى. سوندىقتان اتالعان ماسەلەلەر بويىنشا ءتيىستى قادامدار جاساپ، اقپاراتتىق جۇمىس جانە حالىقتىڭ قولداۋى ارقىلى وسىنى كەزەڭ- كەزەڭمەن ىسكە اسىرۋ كەرەك»، - دەپ قوستى مينيستر.

جاقىندا دەنساۋلىق ساقتاۋ مينيسترلىگى Kazinform ساۋالىنا جولداعان جاۋابىندا قايتىس بولعان ادامنىڭ اعزاسىن ترانسپلانتاتسياعا پايدالانۋ ماسەلەسىنە قاتىستى تۇسىنىك بەردى.

سوڭعى جاڭالىقتار