قازاقستاندا تۇرۋ ءۇشىن شەتەلدىكتەر قاي قالالاردى تاڭدايدى؟

استانا. KAZINFORM - قازاقستانعا 2024-جىلى سىرتتان كەلگەندەر سانى 15,3 پايىزعا ارتتى.

ستاتيستيكا قانداي؟

2024-جىلى قازاقستانعا تۇراقتى تۇرۋعا 29282 ادام كەلسە، ەلدەن كەتكەندەر سانى 12732 ادامعا جەتتى. كوشى-قون سالدوسى - 16550 ادام. وسىلايشا قاتارىنان ەكى جىل بويى سىرتقى كوشى-قوننىڭ وڭ سالدوسى بايقالىپ كەلەدى.

«2023-جىلمەن سالىستىرعاندا قازاقستانعا كەلگەندەر سانى 15,3 پايىزعا ارتتى، ال سىرتقا كوشىپ كەتكەندەر سانى 20,9 پايىزعا ازايدى»، - دەپ جازىلعان اقپاراتتا.

قاي ەلدىڭ ازاماتتارى كوشىپ كەلدى؟

ەلدىڭ نەگىزگى كوشى-قون الماسۋى تمد مەملەكەتتەرىمەن ارادا جۇرگەن. تاۋەلسىز مەملەكەتتەر دوستاستىعىنان كەلگەندەردىڭ ۇلەسى 81,6 پايىز بولسا، وسى ەلدەرگە كەتكەندەردىڭ ۇلەسى 74,8 پايىز بولدى.

باسقا ەلدەر ىشىندە كوشىپ كەلگەندەردىڭ كوپشىلىگى قىتايدان، موڭعوليادان جانە تۇركيادان بولعان، ال باسقا ەلگە كەتكەندەردىڭ باسىم بولىگى گەرمانيا، پولشا جانە ا ق ش- قا كەتكەن.

شەتەلدەن تۇراقتى تۇرۋ ءۇشىن كەلگەندەر نەگىزىنەن الماتى قالاسىن (6260 ادام)، سونداي-اق، الماتى (4788) جانە ماڭعىستاۋ (3680) وبلىستارىن تاڭداعان. كەرىسىنشە سىرتقا كەتكەندەردىڭ ەڭ كوپ سانى سولتۇستىك قازاقستان (2133 ادام)، قاراعاندى (1588) جانە شىعىس قازاقستان (1195) وبلىستارىندا تىركەلگەن.

ەل ىشىندەگى احۋال

ەل ىشىندە كوشىپ-قونۋشىلار سانى 2023-جىلمەن سالىستىرعاندا 47,6 پايىزعا ءوستى. ءوڭىرارالىق كوشى-قون بويىنشا ەلىمىزدىڭ 4 وڭىرىندە وڭ سالدو قالىپتاسىپ وتىر، ولار استانا (73238 ادام)، الماتى (36061 ادام)، شىمكەنت (9361 ادام) قالالارى مەن الماتى وبلىسى (2639 ادام).