قازاقستاندا تەمەكىنىڭ باعاسى وزگەرەدى

استانا. KAZINFORM - ق ر قارجى ءمينيسترى ءمادي تاكييەۆ تەمەكىگە ەڭ تومەنگى باعانى كوتەرۋدى كوزدەيتىن «سۇزگىسى بار، سۇزگىسى جوق تەمەكىلەرگە، پاپيروستار مەن سيگاريللاعا جانە قىزدىرىلاتىن تەمەكى بۇيىمدارىنا ەڭ تومەنگى بولشەك باعانى بەلگىلەۋ تۋرالى» № 196-بۇيرىققا تۇزەتۋلەر ەنگىزۋگە قول قويدى.

بۇيرىق قۇجاتىنا سايكەس، فيلترلى، فيلترسىز 20 تەمەكىگە، پاپيروس پەن سيگاريللاعا جانە قىزدىرىلاتىن تەمەكى بۇيىمدارىنا ەڭ تومەنگى بولشەك ساۋدا باعالارىن 2024 -جىلعى 1-شىلدەسىنەن باستاپ 2024 -جىلعى 31-جەلتوقسانعا دەيىن 770 تەڭگەدەن 820 تەڭگەگە دەيىن بەكىتۋ جوسپارلاندى. 2025 -جىلعى 1-قاڭتاردان باستاپ 870 تەڭگەگە دەيىن ۇلعايتۋ كوزدەلگەن.

بۇيرىق «اشىق ن ق ا» سايتىندا 10-ماۋسىمعا دەيىن ورنالاستىرىلعان. ول 2024 -جىلدىڭ 1-شىلدەسىنەن باستاپ كۇشىنە ەنەدى.

تەمەكى بۇيىمدارىنىڭ ەڭ تومەنگى بولشەك ساۋدا باعاسىنىڭ كوتەرىلۋ سەبەپتەرى تەمەكى ونىمدەرىنە اكسيز ستاۆكاسىنىڭ وتكەن جىلمەن سالىستىرعاندا %12,8 عا ارتۋى بولدى (سۇزگىدەن وتكەن جانە سۇزگىسىز تەمەكىگە، تەمەكىگە اكسيز ستاۆكاسى: 2023 -جىلى - 14100 تەڭگە/1000 دانا، 2024 -جىلى - 15900 تەڭگە/1000 دانا).

اۆتور
ەركەجان سماعۇلوۆا