قازاقستاندا تەمەكى قىمباتتادى
استانا. KAZINFORM - ەلىمىزدە تەمەكى ونىمدەرىنىڭ ەڭ تومەنگى باعاسى 12,1 پايىزعا ءوسىپ، 920 تەڭگەگە جەتتى.
قارجى ءمينيسترىنىڭ 2022 -جىلعى 22-اقپانداعى № 196- «سۇزگىسى بار، سۇزگىسىز تەمەكىگە، پاپيروسقا، سيگاريلاعا جانە قىزدىرىلاتىن تەمەكى ونىمدەرىنە ەڭ تومەنگى بولشەك ساۋدا باعاسىن بەلگىلەۋ تۋرالى» بۇيرىعىنا وزگەرىستەر ەنگىزىلدى.
بۇيرىققا سايكەس، 20 دانا سۇزگىسى بار، سۇزگىسىز تەمەكىگە، پاپيروسقا، سيگاريللاعا جانە قىزدىرىلاتىن تەمەكى ونىمدەرىنە ەڭ تومەنگى بولشەك ساۋدا باعاسى كەلەسىدەي:
- 920 تەڭگە - 2025 -جىلعى 1-شىلدەدەن باستاپ 31-جەلتوقساندى قوسا العاندا (بۇعان دەيىنگى باعا - 820 تەڭگە)؛
- 970 تەڭگە - 2026 -جىلعى 1-قاڭتاردان باستاپ (بۇرىن - 870 تەڭگە).
بۇيرىق 2025 -جىلعى 1-شىلدە دە كۇشىنە ەندى.
ايتا كەتەيىك، كەيىنگى جىلدارى قازاقستاندا تەمەكى شەگەتىندەر سانى 30 پايىزعا ازايدى. بۇل كورسەتكىش - زياندى ادەتتىڭ الدىن الۋعا باعىتتالعان مەملەكەتتىك جانە قوعامدىق شارالاردىڭ تيىمدىلىگىن كورسەتىپ وتىر.
