قازاقستاندا تازى مەن توبەت كۇنى اتالىپ وتىلەدى
استانا. KAZINFORM - ەلىمىزدە تازى جانە توبەت كۇنىن مەرەكەلەۋ ۇسىنىلدى. بۇل تۋرالى «اشىق ن ق ا» پورتالىندا بۇيرىق جاريالاندى.

ەكولوگيا جانە تابيعي رەسۋرستار مينيسترلىگى قازاقستان رەسپۋبليكاسىنداعى مەرەكەلىك كۇندەردىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2017 -جىلعى 31 - قازانداعى №689 قاۋلىسىنا تولىقتىرۋ ەنگىزدى. وعان سايكەس، 3 قىركۇيەك - قازاقى يت تۇقىمدارىنىڭ كۇنى اتاپ ءوتۋ ۇسىنىلىپ وتىر.
- قازاق يت تۇقىمدارى كۇنىن بەلگىلەۋ قازاق حالقىنىڭ ۇلتتىق مادەني مۇراسىنا، تاريحى مەن داستۇرلەرىنە دەگەن قىزىعۋشىلىقتى ارتتىرۋدا ماڭىزدى قادام بولا الادى. بۇل كۇنگە ارنالعان ءىس- شارالار ەتنوگرافيا مەن قازاقستان مادەنيەتىنە قىزىعۋشىلىق تانىتاتىن تۋريستەردىڭ نازارىن اۋدارار ەدى. سونىمەن قاتار، كينولوگيا جانە وعان جاقىن سالالاردىڭ دامۋى جاڭا جۇمىس ورىندارىن قۇرۋعا جانە سالىق تۇسىمدەرىن ارتتىرۋعا مۇمكىندىك بەرەدى، بۇل ەكونوميكالىق ءوسۋ مەن الەۋمەتتىك تۇراقتىلىققا ىقپال ەتەدى، - دەلىنگەن بۇيرىقتا.
قاۋلى العاشقى رەسمي جاريالانعان كۇنىنەن كەيىن قولدانىسقا ەنگىزىلەدى. اتالعان جوبا 17- اقپانعا دەيىن قوعامدىق تالقىلاۋعا شىعارىلدى.
ەسكە سالا كەتەيىك، ەلىمىزدە قازاق تازىسى پاتەنت الدى.
ەسكە سالا كەتسەك، مەملەكەت باسشىسى قاسىم- جومارت توقايەۆ 2022 -جىلى پرەزيدەنتتىڭ ءىس باسقارماسىنا جەتى قازىنانىڭ ءبىرى - قازاقى تازى مەن توبەت تۇقىمدارىن ساقتاۋ جۇمىسىن قولعا الۋدى تاپسىرعان ەدى.
سونداي-اق بىلتىر قازاقستاندىق عالىمدار تازىنىڭ گەنەتيكالىق قۇرىلىمىن زەرتتەپ، ەرەكشە تۇقىم ەكەنىن انىقتادى.