قازاقستاندا تاعى ءبىر فورۋم وتپەيتىن بولدى
استانا. KAZINFORM - ق ر ونەركاسىپ جانە قۇرىلىس مينيسترلىگى اۋقىمدى سۋ تاسقىنىنا بايلانىستى 25-26-ساۋىرگە جوسپارلانعان قازاقستان ماشينا جاساۋشىلارىنىڭ ХІІفورۋمىن وتكىزبەيتىن بولدى.
مينيسترلىكتىڭ حابارلاۋىنشا، فورۋم 2025-جىلعا اۋىستىرىلادى.
«ەل پرەزيدەنتىنىڭ تاپسىرماسىنا سايكەس، مينيسترلىك زارداپ شەككەندەرگە ارنالعان تۇرعىن ۇيلەردى قالپىنا كەلتىرۋ جونىندەگى ءىس-شارالاردى ۇيلەستىرۋ جانە جۇزەگە اسىرۋ جونىندەگى جاۋاپتى ورگان بولىپ تاعايىندالدى. مينيسترلىك ءىس-شاراعا قىزىعۋشىلىق تانىتقانى ءۇشىن شىنايى العىسىن بىلدىرەدى جانە ونىڭ توقتاتىلۋىنا بايلانىستى تۋىنداعان قولايسىزدىقتار ءۇشىن كەشىرىم سۇرايدى»، - دەپ حابارلاندى مينيسترلىك سايتىندا.
بۇعان دەيىن مەملەكەت باسشىسى 13-14-ماۋسىمعا جوسپارلانعان استانا حالىقارالىق فورۋمىن وتكىزبەۋ تۋرالى شەشىم قابىلداعان ەدى.
