قازاقستاندا تاۋارلاردى تاڭبالاۋدىڭ جاڭا ەرەجەلەرى بەكىتىلدى
استانا. KAZINFORM - بىلتىر ەلىمىزدە اياق كيىمگە تاڭبالاۋ ەنگىزىلدى. بيىل تاڭبالاۋدىڭ جاڭا ەرەجەلەرى ەنگىزىلدى.

- ونەركاسىپ جانە قۇرىلىس ءمينيسترىنىڭ 2025 -جىلعى 28-قاڭتارداعى № 26-بۇيرىعىمەن تاڭبالاۋعا جاتاتىن اياق كيىم تاۋارلارىنىڭ اينالىمىن جۇزەگە اسىراتىن زاڭدى تۇلعالار مەن دارا كاسىپكەرلەرگە تاۋارلاردى ىشكى تۇتىنۋ نەمەسە كەرى يمپورت ءۇشىن شىعارۋ راسىمىمەن ورنالاستىرعاننان كەيىن ولاردى تاڭبالاۋعا رۇقسات ەتىلەتىن قويما ءۇي- جايلارىنىڭ تىزبەسى بەكىتىلدى. قويما ءۇي-جايلارىنىڭ تىزبەسى توقسان سايىن جاڭارتىلىپ وتىراتىن بولادى، - دەلىنگەن مينيسترلىك ونەركاسىپ كوميتەتىنىڭ حابارلاماسىندا.
قويما ءۇي جايلارىنىڭ تىزبەسىنە ەنگىزۋ ءۇشىن «اياق كيىم تاۋارلارىن تاڭبالاۋ جانە قاداعالاۋ قاعيدالارىن بەكىتۋ تۋرالى» قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترىنىڭ 2021 -جىلعى 30-قىركۇيەكتەگى № 518-بۇيرىعىن باسشىلىققا الۋ قاجەت.
يمپورتتاۋشىلار قاعاز جانە/نەمەسە ەلەكتروندىق تۇردە ونەركاسىپ جانە قۇرىلىس مينيسترلىگىنىڭ اتىنا جەكە قويما ءۇي- جايلارىن قويما ءۇي- جايلارىنىڭ تىزبەسىنە قوسۋ ءۇشىن كەلەسى قۇجاتتاردى قوسا وتىرىپ ءوتىنىش بەرەدى:
1) قويما ءۇي-جايىنىڭ مەنشىك، شارۋاشىلىق جۇرگىزۋ، جەدەل باسقارۋ جالعا الۋ قۇقىعىندا نەمەسە وزگە دە زاڭدى نەگىزدە بولۋىن راستايتىن قۇجاتتار؛
2) كولىك قۇرالدارىنىڭ اۋماققا كىرۋىن جانە قويما ءۇي- جايىنىڭ اۋماعىنان شىعۋىن، ادامداردىڭ قويما ءۇي-جايىنا كىرۋىن جانە ودان شىعۋىن باقىلاۋ جۇيەلەرىنىڭ تەحنيكالىق سيپاتتامالارى، ورنالاسقان جەرلەرى، بەينەباقىلاۋ قۇرالدارى، كولىك قۇرالدارىنىڭ كىرۋىن جانە ادامداردىڭ قويما ءۇي-جايىنىڭ اۋماعىنا كىرۋىن باقىلاۋعا، سونداي-اق بولعان وقيعالار تۋرالى بەينە اقپاراتتى كورۋ ءۇشىن بەينەباقىلاۋ قۇرالدارىنا كىرۋگە جاۋاپتى ادامداردىڭ بايلانىس دەرەكتەرى تۋرالى مالىمەتتەر؛
3) كورسەتىلگەن جابدىققا ارنالعان قۇجاتتاردىڭ ەلەكتروندىق كوشىرمەلەرىن جانە جابدىقتىڭ فوتوسۋرەتتەرىن قوسا بەرە وتىرىپ، تاۋارلاردى سايكەستەندىرۋ قۇرالدارىمەن تاڭبالاۋعا ارنالعان جابدىق تۋرالى مالىمەتتەردى ەسكەرە وتىرىپ ءوتىنىش جىبەرە الادى.
وسىعان دەيىن حابارلانعانداي، ەلىمىزدە اياق كيىم تاڭبالاۋعا قانشا سومادا اقشا كەرەكتىگى ايتىلدى.